عزام .....
طلعت عمتي وجهها مو طبيعي لمن كنالها صيحي زينب كالت هاا راحت زينب
سعد ...وين راحت وحدها
سناء ...مو شسمه اني سمعت صوت سياره هاا ااااا عبالي اجيوتي كتلها اجو وراحت
عزام ....عمه تحجيييييييين صدددددك تخليها تروح وحده وبعدين زينب اصلا تخاف من البستان بليل شلووووون طلعت وحدها
سعد ....ولج سناء اذا طلعتي داكه الناقصه ويه بنت اخوج والله اطيح حضج
سناء... اوووي شبيكم بعدين اشو بس كتلها اجو راحت كيفت على الدياحه قابل وين تروح هسه تلكوها بلبيت
عزام ...ستوني اريد امعشها من شعرها دفعني ابويه وسحلها من دشداشتها وصاح بصوت
سعد ...قسما بالله اذا صار شي لبنت مروان اله اسوي بيج شي مامتوقعته
على صوت الصياح طلع رجلها وكال شكو
صاح ابويه...ابراهيم بنيه خليناها يمكم طلعوها بليل
ابراهيم بتفاجى ..الله العضيم مادري بيها البنيه صعدت ويه البنات فوك واني نمت شلون طلعت وحده
سعد ...خلي مرتك تحجيلك شلون طلعت
عزام...بساع خابرت عمي عمار كتله زينب جايه للبيت كال ...لا اصلا الباب الجبيره مقفوله
حسيت الدنيا افترت بيه بسلا صار بيها شي
حسام وسيف نزلو ويانا كال حسام
حسام ...يمعودين امشو نشوفها وين بعدين تعاركو
حتى السياره عفناها بابهم من الهبطه وسجاد كلساع يخابر مارد عليه مااشوف دربي
وصلنه لبيتنا لكيناهم كلهم بلباب وعمي عمار تخبل راد يروح لعمتي سناء وابويه كله
سعد ...خلي نلكه البنيه ونتصرف وياها ولك عمار شكول ل مروان بنيه ماكدرنه نحافظ عليها يمه كليلي شكول ل اخويه
الحجيه تبجي ضلت دك على رجلها وتصيح ...يمه بنيه شابه وين راحت بهليل
وامي وعمتي اشواق خبصنه خبص بلبجي
حسام ...كل واحد يروح بجهه اصلا زينب تخاف متبعد مو وكت بجي هسه
ابويه كعد بلكاع ولزم كلبه راح سيف جابله مي وغسل وجهه
سجاد ضل يلح رديت عليه ....
____________________
زينب .......
طلعو بيت عمو وايناس كالت امشي نصعد بغرفتي رحت وياها قابل اضل ماكابله سنيوه
والله مثل متكرهني اكرهها
طلعنا من الأستقبال باوعتلي عمه سناء بنضرات حقد والله خفت
احنه ونصعد كالت هند
هند ...ولج شنو ولد عمج صاكين للستار
ايناس ...ولج خاصه حسام عابتله شكد صاير حلو
