فزينا كلنا من الصوت جنا اني وبيبي وبيت عمو سعد كاعدين عمو عمار دائما طالع ومرته تنزل تخلص شغلها وتصعد ودائما تصب وتاكل هيه وابنها لو قلبنه لو ورانه وعدهم بس سيف عمره ٣ سنوات مجلب بأمه تصعد يصعدوياها تنزل ينزل وياها حتى بيبي دائما تكللها حتى مامخليه الولد يحبنا وعمه خوله جان السانها كلش طويل ترد ودائما تتعارك ويه بيبي وخاله فاتن خو ويه عمه سناء من يتلاكن عبالك وحده تريد تاكل الثانيه
كام عمو بساع للباب فتحه دخلت عمه اشواق ممفرفحه من البجي وتصيح
... يمه شووووووفي ابن اختتتج كتتتتيلي صبري وصببري تاااااالي يتزووووج عليييييه اني كضيييييت عمري صابره عليييييه وعلى ضيييبيمه هاي تاااااليها
كامت بيبي حضنتها وكالتها
..انعل ابو لابو اهله خلي يولي فوك ماصابره عليه ميخلف هاي تاليها ولج يمه ليش حاركه كلبج طلكي منه خلي يولي الف الي يتمناج اشو حلوه وصغيره ودكتوره جامعيه والله مايستاهلج بس اخخخخ اني صوجي سويت خاطر لاختي الله يرحمها
...لزمها عمو سعد كومي خيتي كومي غسلي وارتاحي والي تردي يجرالج
اني جنت واكفه ودمعوعي تجري ليش ماادري اجه يمي عزام كعد كبالي ومسح دموعي
...ليش تبجين
...مممممادري
...هههه اكو واحد ميدري ليش يبجي
...انقهرت على عمه
...يلا كافي لاتبجين ستوج صرتي زينه
محد كدر ياكل شلنه الاكل جنت اني اساعدهم بس بشيل الاكل وهاي الفتره خالتي فاتن اتحسنت حالتها وكامت تساعد بيبي بلبيت بس مارجعت لدوامها عمو اخذلها اجازه مفتوحه بدون راتب
جانت بس غرفه بيبي وعمو وخالتي جوه غرف الولد وغرفه عمه اشواق بلطابق الثاني والطابق الثالث كله لبيت عمو عمار
صار الليل كلحنه كعدنه عمو صاح لعمه اشواق كللها خابرت رجلج واتفقت وياه على الطلاك مو هذا التردينه خيتي اني وياج شنو الي تردي وياج عمو عمار اجه المغرب وبيبي سولفتله همه عمه اشواق يحبوها لان حنينه حيل عمو عمار كال
..خلي يولي اصلا اشواق هواي عليه هذا السربوت شلون انطتوهيها من البدايه مااعرف
كالت بيبي ...قسمتها بعد
اني جنت من اريد اكعد عزام يأشرلي يمه ودائما اكعد يمه صاحلي عمو عمار وباسني وسألني شلوني صح هو مكروه بس يحبني واني احبه
....زينه عمو
...حبيبتي عساج دووم
مرته جانت كاعده يمه من الجهه الثانيه كالتله
..من نزلت عليك الحنيه
التفت عليها وكال.. تسدين حلكج لو جلدج يحكج
دارت وجهه ماعاجبها
بعدين اتفقو على الطلاك واصلا زوجهه ماتمسك بيها وفعلا اتطلكت عمه اشواق وكعدت ويانا بلبيت
