لماذا احببتني

البارت ٦

مانطيت اي ردت فعل بس اباوع على عمو مدري ليش نصدمت

شعجب بعد هاي المده يحاجيني وهو حتى من صرت بلمدرسه وحتى من نجحت ماخابرني

عزام هزني من جتفي وكال
..ابويه يحاجيج شبيج

..هاا

..اخذي الموبايل حاجي عمي

مديت ايدي اخذت الموبايل وكمت من يمهم

حطيت الموبايل على اذاني بس كلت

..الوو

رد عليه بابا بصوته الحزين

..الوو يارحي زنوبه حبيبتي

..زينب بكاء ..بابا ليش عفتني

..ياروحي انتي متدرين شصار بيه وره امج تعذبت وتبهذلت احوالي

..بس بابا ليش ماخذتني وياك

..من تكبرين ياروحي راح افهمج على حالتي واذا مااخذج وياي جنت راح أأذي روحي وأذيج

..ليش

..متفهمين هسه حبيبتي

..شوكت ترجع اشتاقيتلك

..مااكدر هسه بنيتي ان شاء الله بس اتحسن ارجع

..بابا اني حيل احبك

..الله يعلم بلحب الشايله بكلبي الج ياعمري انتي
كافي يروحي لاتبجين اني دائما اسأل عمج وعزام عليج ويطمنوني

..بابا اني نجحت

..اي يروحي كالي عزام الف مبروك يابعد ابوج ان شاء الله اشوفج احسن وحده
دائما راح اخابرج  بس خلي دائما بالج بنيتي انتي اعز من روحي ومن عفتج جنت مجبور

..يعني بعدك تحبني

..اخخخخخ ينار كلبي شلون ماحبج ولج قطعه من فتون انتي وصيتها الي ماكدرت انفذها

كال بصوت مخنوك يلاحبيبتي انطي الموبايل لعمج خلي احجي وياه

...اي   يلا بيباي

..بيباي يبعد اهلي كلهم

انطيت الموبايل لعمو ورجعت كعدت يمهم حيل تغيرت نفسيتي جرتني عمتي وباستني وكالت

..ربي ميحرمج من ابوج ومن هاي الابتسامه الحلوه والغمازات

كال حسام ...نفس غمازات امي   شو هي امي لا اني ولا عزام طلع عدنا غمازات  ولا حلوين عليها

رديت عليه عمتي بضحكه ...يااا لعد شبيكم انت وعزام جنكم العافيه

حسام ..اي بس مو بحلات زينب

اشواق ..اي زينب بنيه تحتاج الجمال انتو شلكم بي

عزام ..هسه البنيه ضحكت شويه حطيت عينك عليها كافي اسكت

حسام ..عمي سكتت شبيكم

وثاني يوم كعدت بيبي كتلها بابا خابرني فرحت لفرحتي