يلا بنات نكمل القصه 😘😘
زينب .....
جان يحجي بابا ولازم ايدي مدري شصار بيه من كال تزوجت وجان يباوعلي بنظرا حزن ومنتظر رد فعلي صح نهرت وحسين كلبي انكسر من عزام وهسه بابا بس بس شكد حاولت ابين اله اني مامقهوره لان تزوج بس عرفني
زينب...بابا هذا حقك واني مو زعلانه منك لان تزوجت بس اني ماريد تنسى ماما اني جنت صغيره وادري بيها شكد جانت تحبك وحطيت ايدي على وجهي وبجيت
مروان ...عمت عيني اذا انساها اني كل هلسنين كل خميس اثوبلها وكل يوم اذكرها وتمر بالي قمسا بالله بنيتي اذا مو مضطر ماتزوج سمعيني حبيبتي انتي
زينب...وخر ايدي من وجهي ومسح دموعي وكال
مروان..حبيبتي الي تزوجتها اسمها سعاد وهي اخت صاحبي سلطان صاحب العمر الي كضا وياي سنين غربتي واني جنت بحاله ميعلم بيها غير رب العالمين وره وفاة امج سعاد كبرت ومااجتها قسمتها وره مااتوفو امها وابوها اخوته طمعو بحصتها من الورث كلمن يكول تجي عندي علمود ياخذ حصتها
وسلطان زوجته طلبت الطلاك لانه ميصير
عنده اطفال واخوته ماقبلو تكعد وياه كالوله انت تشتغل وهيه تضل وحدها وهو ضل حاير بيها ميريدها تروح لخوتها لان يعرفهم شنو
لذلك طلب مني اتزوجها علمود تاخذ حصتها واشغلها الها لان اذا زوجت اخوتها مالهم علاقه بيها وصالي شهر من تزوجتها وكالي سلطان فتره وطلكها بس خلي تاخذ ورثها منهم وماكدت ارد صاحبي الي كل مره يعوف شغله ويجي وياي لمراجعه الدكتور لو من اتمرض يكابلني ويكعد بس عقدنه سيد ومحكمه واخذتها للبيت وشفتها شكد طيبه وحنينه
حتى الثواب ل امج جنت اشتري كل خميس من المطعم واوزعها على اهل العماره بس من اجت لسه متقبل هي تطبخ وتوزع واجي من الشغل الكه الشقه تلمع من النضافه وملابسي مغسوله واكل موجود لهذا ادركت اني محتاجها مثل ماهي محتاجتني وامج بكلبي مايوم نسيتها ولا راح انساها ومن تشوفين سعاد راح تحبيها صدكي وكل فتره تسالني عنج وراويتها صورج وتكول اتمنى التقي بيها
زينب ... مدري شنو اكول بابا حقه يتزوج حسيت الكلام كله انسحب مني ومو من حقي احاسبه ...بابا اني اريد اروح وياك ولو تاخذني اعيش يمك بعد احسن
مروان ...يروحي جم مره كتلج اخذج وياج تونسي بس مترضين وبعدين اني اذا الله راد بس هاي السنه وراح اصفي شغلي وارجع
زينب...ومرتك
مروان ...اكيد ماجبرها تريد تجي هله بيها متريد هيه اصلا بس هلشهر وتخلص امور الورث مالتها وتاخذ حصتها تكدر تشتري بيت وتكعد واذا ضلت لا راح شغللها فلوسها
بي اهم شي اني ارجع واخذج يمي
زينب...بابا من رخصتك محتاجه اكعد وحدي شويه
مروان ....براحتج حبيبتي باجر من الصبح اخذ جوازج وافيزلك علمود اخذج وياج تتونسين
