عزام ....مشيت مسافه تذكرت المحفظه والموبايل خليتهن علميز من مشطت شعري وعفتهن رجعت للبيت ستوني انزل من السياره سمعت صوت صياح بس مو عالي من بيت ام حسين تقربت على الباب عرفت الصوت صوت حسام والباب جانت مردوده بساع دفعت الباب حيل شفتها تسحل بحسام وهو يدفع بيها
عزام...خير يابه شكو هما بساع التفتو علباب
صحت بحسام ...وانت سوي هنا
ام حسين...اووي شبيك جنت رايدته بشغله بلبيت بس هو الضاهر يستحي
حسام...يمعوده صالي ساعه اكلج ماعرف اصلح شي شو هديني كوه فلتت روحي منها وطلعت ويه عزام ستونا نطلع من الباب لزمت عزام من زنده
ام حسين...عفيه اخوك الحلو مقبل عندي تصليحات بلبيت تجي تشوفهن تحجي وتتماوع
عزام...سحبت ايدي منها وكتلها ...ديري بالج مره ثانيه تلزميني وخري عن دربي يلااااااااا
طلعنا منها .
عزام...انت غبي شلون تدخل وياها
حسام...يمعود سحلتني سحل تكول عندي تصليحات اكله يمعوده مااعرف كلشي اصلح تكلي بس تعال شوف وانت شرجعك
عزام... نسيت محفظتي ومبايلي ورجعت ....خليك حذر مره ثانيه وحذر سيف وياك لاتقشمره وتبليه
حسام...اي ميخالف خرب يومها جان اخذت عذريتي
عزام...هههههه طاح حظك وخر خلي اخذ غراضي تأخرت
زينب...كاعدين بصاله ورجعو حسام وعزام عزام شويه ونزل طلع وحسام بدل ونزل يمنه شويه اخذ سيف وطلع للبستان كله عندي حجي وياك شويه ورجعو يمنه عمتي حجت
اشواق...حسوم نريدك تاخذنا اني وزنوبه باجر نشتري ملابس ونزور هم
حسام...افكر واردلجن خبر
اشواق...شتفكر خاطبينك احنه وتفكر تودينا وتسكت
سيف...اذا تزورون اني هم اروح
اشواق...خوش نشوف عزام هم
زينب...للمغرب كمنا سوينا عشا اني وعمتي واجت تهاني ويانه كل الي يشتغل تساعده وين جانت خوله كوه تخلص شغلها
اجه عزام وعمامي واذان المغرب صلو وصبينا عشا كال عزام للولد خلي نحضر كعده بلبستان راح يجون ولد عمي مؤيد يسيرون سلام وئام ونسوانهم راحو يحضرون وحنه غسلنا اماعين وحضرنا الجاي وعمتي كالت خلي نسوي حلاوه شعريه سوينا وكملنا صعدت بدلت ونزلت همه من يجون كلنا نكعد سوه طلعنا بيبي للبستان همه شويه واجو كعدنا كلنا حتى عمامي سعد وعمار سلام وئام نسوانهم بنات عم غريبات وكلش حبابات ابد منحسهن غريبات عبالك منا وبينا
وكعدنا وشربنا جاي وكلعاده بدت نكتهم البايخه
وئام ...يلا كل الي عنده نكته يسمعنه
أنت تقرأ
لماذا احببتني
Literatura Femininaقصه تتكلم على بنت عانت هواي بحياتها وتتكلم عن عطايا رب العالمين
