اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ملاحظه :بنات الي اهديلها البارت ومتقبل اخلي صورة حسابها خلي تكلي فورا امسحها
يلا نبدي ،
زينب...ثاني يوم الفاتحه خلصتها كاعده يم عمه اشواق وخالتي ام عزام وسناء حاطه خوله وسولفلها على الي صار وشلون عزام ضربني حيييييل حزت بخاطري وضجت منها وكت الظهر خلصت هوسه الغده والماعين اساعد بشي خفيف اساسا نسوان سلام وئام ميخلوني اشتغل جان شهر الثامن الجو بعده حار صعدت ابدل لكيت باب غرفتي مفتوح اني متأكده سديته
دفعت الباب شفت هند يم جربايتي ومبايلي بيده من شافتني اتفاجأت
زينب...ممكن اعرف شتسوين بغرفتي
هند ...هههه قابل شسوي اني اول مره اجي لبيتكم كلت اتفرج على البيت
زينب...ممممم ومبايلي شيسوي بيدج
هند ...مو جان احد يتصل عليج فداشوف منو يلا من رخصت اشوف ايناس وين
زينب...طلعت سديت الباب وراها شفت موبايلي محد متصل بس سعاد دازه رساله تتطمن عليه خابرته سولفت وياها شويه وسديته كعدت اتذكرت كل سوالف بيبي ودفاعها عني وبجيت من كل كلبي ضليت تقريب ساعه ابجي كمت بدلت ونزلت للمغرب خف الخطار ودخلو ابويه وعمامي والولد كعدو بلصاله لان بس اقارب بقن ونسوي عشه ونتعشه كلنه رحت كعدت يم بابا حظني وباسني وسناء كامت تغرد لا تستحي من احد ولا تكول اكو خطار
سناء...مروان اليوم بتك اجاوزت عليه وطولت لسانها
مروان...معقوله هيج بلا سبب هاا زنوبه
زينب...باوعلي بابا بساع نزلت دموعي وكتله ...بابا والله هيه وين متشوفني تغلط ودعي عليه وتحجي عليه والله ماكتلها شي بس هيه متكابله وياي عبالك كاتله واحد من اهلها والله اني اني احبها قابل شعندي وياها حتى عزام تعارك وياي لان كلت لعتي سناء ليش انتي تكرهيني حطيت ايدي على وجهي وكوه بجيت سويت نفسي حيل فقيره سنيوه عبالها بس هيه تعرف تفتن والله اصلا ولا أحبها
