وكفت باب الغرفه وشفت خالتي حاضنه امي وتصيح
..كعدي ياخيتي ياكل اهلي اني ماعندي غيرج المن عايتني ولج فتون اني اكبر منج اني الي لازم اموت ياوووويلي ياخييتي
لزمها عمو وكلها ..ام عزام مايصلح هذا امر ربج لاتعترضين
ضليت بنفس الصدمه واكفه بلباب واكفين يمي عزام وحسام وادور بعيوني على بابا شفته واكف مصددددددوم لدرجه محد يتوقعها ولا اكدر اوصف شكله بذيج اللحضه
راح عمو سعد يمه كاله
..مروان شبيك
بابا مارد ابد عليه اني بس دموعي تجري جنت طفله مااعرف اصرخ واودع ماما حسيت ايد على اكتافي باوعت عزام دنك لمستواي وكال
..روحي بوسي امج ودعيها
كادني من ايدي وصلني يمها وصريخ خالتي يكطع الكلب بهلحظه دخلت بيبي وعمتي اشواق
ااني ذبيت نفسي على صدر ماما واصيح ماما اني احبج بذيج اللحضه ضاعت كل الكلمات من عندي
بعدين على صريخي بابا وعه على نفسه وكعد يبجي ويعاتب ماما وحاط راسه يمها على الجربايه ولازم ايدها وبيبي اجت يمه وكالته وهي تبجي
..كوم يمه شد حيلك مريتك تعذبت من المرض خليها ترتاح
بس جان بابا ولاكان يسمع اجه عمو عمار الي هو اصغر من بابا بسنه هذا مينعرف حباب لو مكروه معتزل بنفسه حيل بس زين وياي
عمو سعد التفت لعزام وكال
..روح جيبلي سويج السياره
راح عزام يجيبه حسيت روحي نرفعت من صدر ماما باوعت عمتي اشواق حضنتني
..سوده عليه بعد عمتج بعدج طفله وتيتمتي
بيبي حطت ايدها على راس ماما وكالتلها
..نامي وارتاحي بنيتج احطها بعيوني مدام راسي يشم الهوه
اجه عزام انطه السويج لعمو رادو يشلون ماما عمو سعد وعمو عمار بس بابا ماقبل كلهم اني اشيلها شالها بابا وطلع راح وياهم عزام ..كادتني بيبي واخذتني وياها صح هيه جبيره بس بعدها قويه وتحسها قاسيه بس دومها ويه الحق وعمتي اشواق كومت خالتي وكالتلها
..كومي عيني خلينه نحظر للفاتحه العالم راح تجي
كمنه كلنه طلعنه من بيتنا ورحنه لبيت عمو ابو عزام الي هو بلأساس بيت جدو بس بابا اول متزوج عزل دائما جنت اسأل ماما ...ليش احنه بيتنه وحدنه وعمو عمار وعمو سعد وبيبي عايشين سوه تكول ..
..ابوج يحب الهدوء يحب السكينه
هو اصلا بستان الي يعجبه يبني ويطلع
دخلنا البيت اجت عمه خوله زوجه عمو عمار عود تواسي خاله مبينه اصلا مو من
مرت ايام الفاتحه واني بيت جدو وبابا ابد مشفته والغريبه عزام حيل اهتم بيه رغم صغر عمره بس تحسه حيل فاهم بي شبه من عمو عمار وحتى تصرفاته وغموضه
خالتي ام عزام تخربطت وره الفاتحه واخذها للمستشفى وكالو صارت بيها جلطه بس الحمد لله خفيفه وبيبي وعمه اشواق لزمن الفاتحه عبالك صدك بتهم بس عمه سناء وعمه خوله جانن حالهن حال الغربه
واني اصلا مطلعت من غرفه بيبي حتى حمام بيها بس كل وقت اكل يجي عزام يسألني اذا تريكت او تغديت او تعشيت واذا كتله مااشتهي يكول تعاي ناكل اني وياج ....
وهيج مر شهر واني بيت جدو وخالتي ماتحسنت حالتها لان جانت بس ماما من اهلها اسمها تون وتبجي بليل وعمو كاعد يواسي بيها عدها اخو الي هو خالي عايش بلخارج ماادري ليش مااجه للفاتحه يجوز محد كله
طبعا عمو وباب عدهم شركه استيراد وتصدير ثنينهم سوه باب اصغر من عمو ب ٦ سنوات وبابا وعمو عمار فرق سنه
نايمه يم بيبي نامت من وكت طلعت من الغرفه ورحت اتمشه فتحت الباب مال الصاله الي هيه تطل على البستان ماكو كلمن طارمه هو كله البيوت سوه بنفس الطارمه طلعت تمشيت ردت اروح لبيتنه مدري توني اوصل يم البيت سمعت واحد صاحني بصوت عالي
.... زييييينب
جمدت بمكاني من الخوف يتبع ....
