عزام ....قسما بالله ان ماعفتي زينب بحالها يكون طلاكج على ايدي
خوله ...لا والله خوفتني عشتو يهدد فوكاها
عزام...زين تجربين تشوفين توها تريد تحجي اجو عمي عمار وابويه وسيف طبو سوه
سعد...خير شبيكم كلكم واكفين
عمار ...بساع باوع على خوله عرف هيه راس البله ...شصاير
عزام...والله ياعمي زوجت حضرتك تحجي على زينب وتكول تلعب على الولد وخايفه على ابنك سيف من زينب
عمار...شنو هلكلام خوله ليش هيج تحجين على زينب
خوله...اوووي شبيكم شكلت هسه اني هاي بدال متنتبهون البنيه ضاله تايهه لاحسيب ولا رقيب
سعد...كلامج مامقبول ام سيف هاي بنت اخوي واحبها واعزها كأنها بنتي مارضه هلكلام عليها والضاهر غلطت من ضغطت على عمار يردج حسااااام
حسام...ها يابه
سعد...اخذ ام سيف ردها لأهلها وباوع على عمار وسيف اذا تردوها اجرولها بيت على مايخلص بيتكم اني ماكدر استقبلها بيتي بعد ماحجت على عرضي وتتهم بنيتي
عزام ...وكف يباوعلها بشماته هيه كامت تتبجج وتكول شسويت اني هاي كلكم تكرهوني لان احجي الحق
عمار...ولج عن اي حق تحجين تتهمين البنيه وتكولين حق روحي ويه حسام خلي يوصلج هاي اول يوم الج وسويتي طلابه هيه
اصلا بعدها عباتها وجنطتها بصاله اخذتهن وطلعت
سيف بساع صعد والكل كعد محد حجه لا الوضع ميتحمل
عزام...صعدت لزينب دكيت الباب ماكو متفتحها وخابرتها دزيتلها رساله حضرتني الحقيره كسرت عليها الباب ماكو اذن المغرب وهم مانزلت عمتي كالت ادزلها رساله بلمي تنزل تتعشى لان متفتح الباب دزتلها ردتلها كالت تكول ماريد ابويه كال خلوها براحتها اصلا محد اشتهه يتعشى وره العشا خابرني عمي مروان يسالني شبيها زينب عرفتها ماكلتله على الي صار بس سألته شوكت يرجع حيل انقهرت عليها فوك خوله اني قهرتها ضليت الوب مارتاحيت كلت لحسام يخابرها رفضته ودزتلها مابيه شي شويه ارتاحيت رحت لغرفتي كوه نمت عود اريد اطور علاقتي وياها تالي شصار كوه نمت وقتت موبايلي ب ٩ ودزيت ل رساله لأبويه ماداوم باجر مالي خلك
زينب...كعدت الصبح جسمي مكسر عرفت نفسي صخنت لان نمت مقهوره اريد اتحرك مااكدر باوعت الساعه ب ٩ اندكت الباب مابيه اكوم كامت تندك حيل واسمع صوتهم بره كوه شلت نفسي شالي جان يمي على الجربايه حطيه على راسي ومشيت للباب وفتحتها
عزام...خبلتني ماتفتح الباب عمتي اشواق تخابر عليها مترد دكيتها حيل واخيرا فتحتها بس شنو عيونها حمر وخدودها صايرات دم من الحمار عرفتها مصخنه بس من حركت كلبي صحت بيها....ولج من البارحه واليوم ندك عليج شبيج ضاربه الكل بعرض الحايط
