عزام... جنت التقي بزينب يوميه بليل بلحديقه بحيث صار روتين يومي واني اجيب الكرزات والعصاير والنساتل وكلشي تحبه ونكضي احلى وقت مرات حسام يحط روحه كوه كوه اشحته من المكان مرات عناد اذا كتله لاتجي اليوم يجيب سيف ويجي بس جنت حيل مرتاح من اشوفها تتحسن والضحكه راجعه ل وجهها اربعين الحجيه سواه ابويه بيناتنه ورحنا للمقبره زرناها الله يرحمها جانت زينب بعدها مريضه لهذا عمي مروان ماخلاها تروح كال تتخربط اذا زارت قبر امها
ومره ابويه طلع من وكت من الشركه جان عنده شغل هو وعمي عمار طلعو من وكت احنه دوامنه اكثر شي للأربعه يضل بيومها جان عندي اوراق خلصتهن للخمسه ونص يلا رجعت وبيومها ميس شكد خابرت رديت عليها مره هم رجعت لنفس الحجي اريدك واحبك سديته وبعد مارديت عليها حتى سويته صامت
وصلت للبيت امي كالتلي البنيه الي اجت مره تنتضرك من الاربعه بلأستقبال وعمتك كاعده وياها
عرفتها ميس طبيت سلمت وعمتي كالت
اشواق...هله حبيبي البنيه من زمان منتضرتك يلا اخذو راحتكم
عزام ...طلعت عمتي التفتت ل ميس وتالي الحل وياج شنو
ميس ...تتزوجني احبك والله احبك وماكدر اعوفك شكد حاولت ماكدرت هسه خاطبني ابن خالتي واهلي موافقين بس اذا اجيت انت خطبتني راح اكلهم اني اريدك واكيد مراح يعترضون
عزام...خلصتي كلامج اسمعي اني احب بت عمي مو بس احبها اموت عليها اعشقها من اعماق كلبي مو حب سنه وسنتين حسيت بحبي الها من جنت سادس ابتدائي وهيه عمرها ست سنوات شوفي هاي جم سنه صار احبها
برأيج تجي وحدها مثلج ذابه نفسها عليه تشيل هذا الحب واهلي كلهم يدرون شكد احبها ورايدها لهذا الله يخليج اطلعي من حياتي لان اني مستحيل اخذ غير زينب
ميس...مراح تحبك مثلي
عزام...المهم اني احبها كل هاي احنا واكفين ماحس غير شمرت نفسها عليه وحضنتني وهي طويله ستوني استوعبت الي سوته اريد ادفعها دخلو علينه زينب وحسام دفعتها حيل خفت زينب تفهم غلط وبكل صلافه دكلهم دكو الباب حسام جان صافن علينه مو مستوعب وشفت عيون زينب لمعن اويلي اكيد انقهرت وفهمت غلط
زينب... حسيت الزمن وكف همه بس شافونه عزام دفعها حيل بحيث وكعت على التخم وحسام علامات الصدمه مبينه وبكل صلافه تحجي
ميس ...المفروض دكون الباب
حسام ...لا والله
زينب ...لا هذا مكان مو خاص المفروض انتو تصعدون للغرفه وتاخذون راحتكم
عزام ...من حجت هيج لا اكدر احجي وابرر لان شافت بعينها ولاهاي الصلفه راح تحجي الصدك
....ميس رجعي لهلج وخلي كلامي بالج وفهمي زين
زينب...لا خليها ماكو داعي تروح احنا طالعين
طلعت وطلع حسام وراي وهو يحجي
حسام...زينب اكيد اكو غلط بلموضوع مستحيل عزام ما يسوي هيج وتدرين بي يحبج
