زينب....شنو تضحك عليه انت اكلك سمعتك بأذني بس والله صار عندي امل بداخلي
عزام...زين كومي نطلع نحجي بلحديقه هسه الي يشوفني يمج يفهم غلط ولو خوله ولت بس هم الاحتياط واجب
زينب...مابيه حيل اريد انام وتره وذا حبيت او ماحبيت شعليه يلا كوم روح خلي انخمد وبعدين انت ضربتني واني مقهوره منك
عزام... كمت وكفت زينب والله كوه لازم نفسي ماتعصب عليج كومي راح اطلع بدلي وتعاي شويه ورجعي انخمدي
زينب...عود افكر اجي لو لا باوعلي بغضب توه يريد يحجي كتله....اي اي شبيك متتفاهم روح اجي وراك
عزام...يلا بساع
زينب... كمت لبست بشت وعدلت شالي وطلعت للحديقه جانو كلهم داخلين غرفهم بعد وكت الساعه ١١ بس لان تعبانين ردنه نام
طلعت للحديقه مالتي لكيته كاعد على المرجوحه كعدت مسافه عنه المرجوحه تاخذ ٣ نفرات
عزام...اول شي اعتذر لان ضربتج بس والله نرفزتيني كليلي صدك ميهمج اذا كنت احب او لا
زينب....ماعرف شجاوب خاف اكلهه يهمني ويطلع صدك يحب ويمرد كلبي وهو مامفكر بيه كحبيبه خاف اكله مايهمني ويطلع ميحب ويضوج مني حرت شنو ارد عليه ...سكتت مارديت عليه
عزام...شفتها ماردت كلت بلكي هي حابتني لان عباله احب متبين شي ...شوفي هاي وحده ويانا اسمها ميس ........وسولفتلها السالفه كلها ماحجت واللتفتت اليه بس تسمع ... هااا شو سكتي
زينب...لان ماقتنعت
عزام....شون اقنعج
زينب...ليش تريد تقنعني اني شنو بلنسبه الك
عزام...انتي كلشي
زينب...مثل شنو
عزام...ماردت اكلج ولا اشوش عقلج بس اريد احجي حتى ارتاح وانتي وراج سادس اساسا اني خطبتج من عمي كال تخلص سادس واسألها اذا توافق اولا
زينب...تفاجأت ...ليش كل هذا واني مادري
عزام....غبيه غير
زينب...ياا هاي عليه
عزام...لا عليه معليج المهم انت متربعه بنص كلبي من جنتي صغيره وكلما تكبرين يكبر حبج بكلبي احجي واباوع بعيونه وردن خدوه من الخجل وصارت تخبل مدري اني اشوفها حلوه حيل
زينب....طبعا عزام يحجي وكلبي شادله وصله ويركص والله مو بس كلبي كل عضو بجسمي يركص من الفرح كوه سيطرت على نفسي ردت احضنه واكلها اني هم احبك بس كلت خلي اكوم قبل لا الشيطان يوزني كمت وكفت
عزام...وين بعدنه نحجي
زينب...ااااشسمه نعست ورحت اركض للغرفه طبيت وصعدت على الجربايه واطفر يربي ...طلع يحبني ...طلع يحبني.. تمددت يمه يمه والله ماصدك بيومها كوه نمت من الفرحه بكد مافرحت نسيت عزام عصيبته ومزاجيته اووف ياربي بيومها كوه نمت من الفرحه
