زينب....من طلعت حامل فرحت فرح مال وحده صالها سنين ماتخلف وفرحه عزام ماتقل عن فرحتي جبنا عشا بلدرب ورجعنا من رجعنا جان صاير الاذان
رجعنا لبيتنا اول ماطبيت حضني عزام بكل قوته وكال
عزام.... لو تدرين شكد احبج يارب تجينا بنيه هيج ناعمه وحلوه مثلج
زينب...طبينا لغرفتنه نبدل ونحجي لا ان شاء الله ولد او بنيه يجون طوال حتى محد يقلد عليهم
عزام...محد يقلد تره البنيه حلاتها بنعومتها
زينب... هذا رأيك مو كلها مثلك
عزام.... صح مو كله هيج بس اني كرجل واغلب الي اعرفهم يفضلون القصيره والناعمه
وخاصه من تصيرين جواي غير افقد احس حيل اسيطر عليج
زينب...شكد سوالفك منحرفه وقليله الأدب
امشي خلي نصلي احسن
عزام...وشكلت اني هو اني اذا أحجي واذا اسوي شي كلتي قله ادب وبعدين شكو تفتحين هيج مواضيع والدنيا مغرب وكت صلاه مو عيب عليج تعاي نزعيني ملابسي خلي اروح اصلي احسن
زينب....عزاااا والله انت فد واحد
صلينا وتعشينا اني وياه
عزام ... نروح نكول لأهلي اكيد راح يفرحون
زينب....خلي اكول لبابا وباجي يرحون هناك بيت عمو
رحنا لكيناهم كلهم هناك وكالنلهم وكلها فرحت وبابا دمعت عيونه وحظني وكال جنت شايل هم خاف ميصير عندج اطفال واشوفج مقهوره
عمو كال باجر اسوي عشا لوجه الله بس بيناتنا احنه وبيت عمو عمار وعمه اشواق وكالو نكول لسناء
ثاني يوم سوينا العشا سناء مااجت كالو رجلها موديها لأيران هديه زواجهم وحسام مات من الضحك ويكول والعباس يريد يخلص منها
عمه اشواق من اجت حضنتي وباركتلي
ومرت ٥ ايام كمت اتعب حيل ونفسي دائما تلعب اخذني عزام اراجع دكتوره كالت بعده مابي نبض بس اكو كيس حمل وانطتني مقويا وحبوب مال تقئ
واحنه بدرب بلعت لان كال عزام نتعشى بره
نزلنه بمطعم كعدنه كال عزام شنو تردين كتله بكيفك المهم كثرلي مقبلات مدري ليش اشتهيتهن ستوه طلب وراحو يجيبون الطلب
وسمعنا وحده كالت السلام عليكم
التفتنا ثنينا جانت ميس يبوو شكد عكرت مزاجي ردينا عليها
ميس ...شفتكم من بعيد حبيت اسلم
عزام ...اهلا بيج شلونج
زينب...والقران لو ماعيب جان عضيته عزام شكو يسالها شلونج
ميس...الحمد لله شنو تزوجتو
عزام....اي الحمد لله
ميس...الف مبروك
زينب...باوعتها وابتسمت جذب كتلها شكرا سلمت وراحت
عزام...شبيج طنكرتي
