سمعتهم ضليت صافنه دنيت اكثر حتى اسمع بعد بس ماحجو شي حرامات اجيت متأخره مخلصين حجي سمعت عمو عمار تنهد وكال
...الله كريم
مشيت سويت نفسي توني اجيت وكتله ل عزام
....يلا نبلش
عمار ...شعدكم
عزام ...زينب تريد حديقه راح اسويلها هنا بصف البيت
عمار ...امممم وانت كلبك رهيف شتكول زينب تسوي
عزام كح وسكت ماحجه عمو عمار ضحك وراح جوه
صاح ل حسام وسيف ساعدونا نضفنا المكان
وحسام يشتغل و يدردم ...والله خوش طولها شبر ونص مشغلينه الجمعه وكت راحتنه علمود حضرتها
والله شنو تريد حديقه وينج وين جروخج
اني وسيف نضحك عليه من يدردم وعزام كلساع رزله يكله ..اشتغل وانت ساكت
رحنه تغدينه كال عزام يلا خلصو حتى نكمل
همه خلصو كعدو على صفحه منتضرين الجاي
اخذته الهم وصاحت عمه خوله
..غسلي اماعين مو بس تعرفين تاكلين وترحين
صاح بيها عمو عمار وسكتها عمه اشواق ماخلتني كالت
... روحي كملي حديقتج اني اغسلهن حتى دور من نسوي ماسكات نكعد بيها
ابتسمتلها ورحت لكيت الولد طالعين
صارت مساحه جبيره اصلا هي الكاع تربتها لينه بس كلبوها الولد بلكرك وعزام كال
.... راح اجيبلج بذور وزرعيهن وصيت البارحه على مرجوحه هم هسه نسويلها مكان
باوعتله من فرحتي لزمت ايده وكتله
...شكرا والله متدري شكد فرحتني
هو ابتسم وكال
...دللي شعندي غيرج
حسام انتجه على متن سيف وكال
حسام ...اكلج سيف مو وجودنه غلط هنا
سيف... اني هم هيج اكول
بتعدت عنه وكال حسام ...لا كملو اعتبرونا ماموجودين
كلش استحيت منهم اني عزام دائما اشكره من يجيبلي شي جان يلزم ايدي بس من كبرت والتزمت بلحجاب والصلاه بعد ملزمته ابد ولاهو حاول يلزمني
طبعا وسن بلابتدائيه مسجلت وياي سجلت ويه بنات عمها بغير مدرسه وبلمتوسطه سجلت وياي كمنا اني وياها نروح ويه خالتي
امها كلش حبابه دائما تجي تشوف بيبي صدك سمره بس ملامحها تجنن وهمه اذا عدهم شي هم بيبي تروخلهم وخالتي
همه جانو بصف البستان مالتنه بس سياج بينه وبينهم احنه بستانه بي بنهايته على الشارع باب جبيره ميقفلوها غير بليل واذا عدنا طلعه بعيده
اني من صرت تقريبا من عمري ١٤ صارت عندي مشاعر حلوه تجاه عزام افرح من اشوفه بلبيت احب اهتمامه واحب من يسألني شمحتاجه
