هسه نجي لبطلنه
عزام ..طبعا هواي عرفتو عني بس راح احجي الي معرفتو
من توفت خالتي فتون صبيت كل اهتمامي لزينب لان كسرت خاطري يتيمه
وابوها عافها وسافر لسه اذكر وره وفاة خالتي بفتره رحنه اني وابويه لعمي لكينا لازم سجينه ويشخط نفسه
ويكول اريد اموت بطئ واحس بيها شلون جانت تموت على البطئ
ابويه تعارك وياه وضل يمه بلبيت ثاني يوم اخذه لطبيب نفساني كال هذا حالته حيل مطوره بعدو عنه هواي اشياء تره يأذي وميحس بنفسه
وجلسات هواي يحتاج علمود يتحسن
بس عمي مارضى بعد يروح شكد حاولو وياه ابويه وعمي عمار بس ابد ماقبل
جان عنده صديق كويتي عايش بدبي سمع بوفاة خالتي متأخر واجه
تفاجأ بحاله عمي وكال اخذه وياي لدبي هناك العلاجات مطوره وعمي صار مثل الرجل الالي شتكله يسوي
ضل ويه عمي على ماكملت أجرائات السفر
واخذه وراح وعمي اصر ياخذ زينب وياه ويصيح هاي وصيه فتون شلون اعوفها بس ابويه ابد ماقبل
سعد ...انت رايح تتعالج وتحتاج جلسات هواي تاخذها وياك وين تخليها وهيه طفله
كوه اقتنع عمي حتى بجي كام يبجي على بنته
ابويه مخلاه يودعها كله راح تتاثر وتبطل متروح ادري بيك
وراح عمي وضلينه اني وابويه نتواصل وياه وهو يسألنه على زينب ويوصي بينه وره فتره عرض عليه الدكتور يشتغل حتى ينشغل
عمي جان يشتغل ويه ابويه بلاستيراد والتصدير خابر ابويه وكله
وابويه اقترح عليه يسحب اسهمه ويأسس شركه هناك
اني من نجحت للثالث ابويه هداني اسهم هم دزهن ويه اسهم عمي حتى تكفي يفتح شركه صغيره
صرت اني شريك وياه وفتحت حساب بأسمي وكام عمي يحولي بحسابي فلوس الارباح
وزينب اوووف زينب بلبدايه جنت استخطيها بس شويه شويه كمت احس غير احساس تجاها
ماريد اشوفها ضايجه وافرح لفرحتها وانقهر من تنقهر والي يحاجبها ودي اكطعه بس دووم ابويه ينبهنه من التجاوز على الكبار
جنت دائما من اتعارك وياها على اشياء وهي ترادد اضل جم يوم ماحجي وياها وهي الادبسزز ولاطخ راس وتحجي وياي الا اني اتنازل جنت اتازل واحجي وياها
ومن احاجيها وجنه متعاركين تمد اصبعها الزغير وتكلي ...جيب صحيبه اضحك عليها واسوي مثلها
جان حتى حسام يحبها ويداريه دائما يشتريلها واني دائما اكله ...زينب مثل اختك كلت حتى ميحطها باله
