عزام ....والله نصدمنا من كالت تهاني مامعقوله عمي عمار كام وكف بساع وكلها مستحيل هي وين تعرفج
هند ...بلفاتحه شفتها واني شفتها مره وياكم بيت سناء
عمار ...زين شمدريج اسمها تهاني وهي اصلا لسه ماوصلت بيت سناء زين اكيد اذا شفتيها تعرفيها
هند ...هي كالتلي اسمها تهاني اي طبعا اعرفها
عمار ...سيف روح صيحها بساع خلي تجي بصاله
عزام...راح سيف يصيحلها واني متأكد مليون بلميه مو هيه لان مو ستوني اعرفها من زمان وادري بيها خوش مره ومن اجت لسه ماأذت زينب ولا أذت احد رجع سيف كال اجت عمي عمار طلع بلصاله هي اصلا من اجت مستغربه
تهاني ..خير ابو سيف صاحلي سيف كال ابويه يريدج بساع
عمار ...اني البارحه سولفتلج الي صار ويه زينب مو
تهاني ...اي سولفتلي وكتلي لتكولين بسلا عبالك كلت والله مافتحت حلكي
عمار ...لا مو هيج بس البنيه متهمتج انو انتي الي محرضتها تسوي هيج وتشوه سمعه زينب
تهاني ...شهكت وضربت صدرها عزا العزاني اني اسوي هيج وبمنو بهاي اليتيمه وليش مو بت عم بناتي وسمعتها من سمعتهن
عمار...ادري بيج متسويها لهذا كعدي هنا البنيه تكول الي حرضتني اعرفها كعدي خلي اشوفها تعرفج لو لا
زينب....والله تفاجأت تهاني هيج تسوي بعدين من شفت رد فعلها استبعدت الموضوع كعدت يمهن وعمو عمار كال لعزام كلهم خلي تجي
عزام ...والله من شفت صدمتها مبينه مو هيه رحت اصيح ل ابويه يجيبها طبيت للاستقبال اشرتله
سعد ....ناخذ البنيه تتعرف على الي مشتركه وياها
الحجي ...اي يابا اخذوها
ستوني طلعت من باب الاستقبال صاحلي حسام اجه وراي
عزام...هاا ولك
حسام ...يحجي بهمس تعال اكعد يمهم واني اروح للصاله ماريد يفوتني حدث
عزام...شكد فضولي عود اني اسولفلك ولي عفته يصيح وراح جاب هند ابويه طلعت للصاله وهند تباوع بوجهن ركزت هواي كالت
هند ...ولا وحده منهن
سعد ...متأكده بابا
هند...اي طبعا متاكده ذيج شويه طويله وسمره
عمار ...سيف روح صيح امك وكلشي لتكلها
عزام...من كالت طويله وسمره كلنه شكينه بخوله راح سيف يصيحها وره شويه اجه سيف وامه وراه من طبت شافتنه واكفين ماشافت هند لان صايره بصف ابويه
خوله ...جمعت خير ان شاء الله شعدكم دازين عليه
عمار ...هسه تعرفين تقدمي
