زينب ... نزلت من الدرج بليل حتى حجاب مالبست عبالي ماكو احد سمعت عمو سعد يصيح بلاستقبال
...ولك انت تريد تموتني
سمعت صوت عزام يرد عليه بأحترام
...يابه سنو السالفه هذا حلمي فدوه لعينك لتوكف بطريقي
...ولك بويه شعندي غيرك انت وحسام انتو الي طلعت بيهم للدنيا انتو اعز من روحي
وسمعت صوت خاله فاتن تبجي وعمتي اشواق هم سمعتها تحجي ويه عزام تقنع بيه
وكفت يم الباب اتصنت
ماحسيت غير انفتحت الباب بشكل سريع
طلع عزام انضرب بيه باوعلي وسحبني من اذني
...جنتي تتصنتين حيوانه
...اخخخخخ لا والله نزلت وسمعت صوت الصياح
...اي صدكتج وبعدين ليش مالابسه صخام على راسج
دفعت ايده وبعدت عنه تخصرت وكفت وكلت بصوت عالي
...نسيته الحجاب وعبالي ماكو احد وصار واذا تصنتت قابل جنتو تحجون بأمور الدوله
هو فتح عينه حيل وكال
...ولج ولج شنو هلسان
اجاني سريع حطيت ايدي على اذاني وكلت بخوف
...اسفه اسفه والله اخر مره
...ديلا ولي صعدي جنتي فقيره وصوتج مايطلع صايره عرمه
كلت بتعجب ....انيييي
...لا جدي روحي روحي صعدي
اجيت اصعد وهو وراي صاح
...اوكفي
...هااا
... وجعاا تعلمي من اكو ولد يريد يصعد لتصعدين كدامه
...ليش يمه
...احسن بت الاوام كولي اي وهايهيه
...غير اعرف ليش يعني اذا اكبر مني
حجه بنفاذ صبر
...اي يمعوده اي بس لاتصعدين كدام اي ولد
...اي خوش شبيك متتفاهم اشرلته على الدرج وكتله
...تفضل سلطان عزام
هو ابتسم وكال ...خلي اتفرغلج واني اعلمج على هذا لسانج
صعد كدامي واني هم صعدت
ثاني يوم صادف جمعه الصبح كلها موجوده الجمعه كللها تتواجد بلبيت من الصبح للعصر ويطلعون العصر عمو والولد اما للبستان او لأقاربهم جانو كل الاقارب قريبين عليهم حتى اذا جان عدهم واجبه او شخص مريض يخولها الجمعه يروحوله هيج جان قانونهم حتى احنه النسوان اذا عدنه شي طلعه نخليها للجمعه
عمو سعد وخاله فاتن جان وجههم ثكيله على عزام وميحاجونه هو طلع حتى ماتريك ويانه اني من اشوف واحد منطكر اني هم اطنكر ليش ماادري نزل حسام من فوك باوعلهم وكال
