عزام ... حيل تفاجأت برد فعل امي وابويه ماجنت متوقع هيج عمرهم ماعترضو على شي اريد اسوي طلعت من الاستقبال
شفت النقاش مراح ينفع ولكيت زينب واكفه تتصنت وصاير لسانها شطوله احسن ماريدها فقيره الفقير ميعيش ويضيع حقه
بس نفس الوقت ماريدها جسره وتتجاوز جنت دائما انبها على صوته متعلي ولاتتجاوز هيه مرات تسمع الكلام ومرات تعاند بس حتى عنادها احس عسل على كلبي
طول الليل افكر وادري رد فعلهم خوف عليه
امي وره ماجابتنه اني وحسام هواي راجعت علمود الحمل وماصار
ومن كعدت الصبح شفت امي وابويه ميحاجوني اني اكدر اعاندهم واقدم واروح لان واحد صاحبنه كالي انته صاحب جسم ويقبلوك اذا قدمت كليه عسكريه بس ماريد اسوي شي امي وابويه ماراضين عليه
رحت على صديقي سجاد وكتله بطلت مراح اقدم كال ...اني بعدني ماكتلهم رحنا تريكنا اني وياه ورجعت الضهر
للبيت وبلغتهم اني بطلت فرحو هواي
للعصر خابرني سجاد... كال امي كامت
تبجي تكول كافي عليه اخوك علاوي بلجيش وملوع كلبي كتله خلي ندرس سوه اداره واقتصاد ونشتغل اني وياك عند ابويه بساع اقتنع همه جانت حالتهم لابأس بيها بس عدهم كرامه وعزة نفس
وداومت كليه وابويه اخذلي سياره
وزينب صارت بلموتسطه وامي جانت مديره مدرسه متوسطه سجلت زينب وياها
هواي طمنت لان امي جانت عدها سياره وتاخذ زينب وتردها وياها ولايام الي امي مداوم بيها اني اوديها جنت دوم اتعارك وياها على لبسها شنو تلبس مفاتن جسمها تبرز
عركاتنه لو الصدريه ضيكه لو ضابه الحزام كوه وبلعركات يلا قبلت تلبس عباه لبستها بلثالث متوسط هي من صارت بلمتوسطه حيل اعتمدت على نفسها بس جان مشكلتها شويه الريضيات جنت ادرسها بعض المواضيع الي متفهمهن
وحسام ضل بدياحه مالته جم مره راقبته ميروح لأماكن مو زينه كتله لأبويه عوفه مدام ممسوي شي غلط
مره زينب رادت دفاتر واقلام اخذتها ورحت
مرينا على مشتل بدربنا كالت ...اريد اشتري ورد جوري ورد الصباح
....شسوين بيهن
...هيج عاجبني
...تدللين هسه نشتري
وكفنا والجذابه كالت بس ورد جوري ورد الصباح ماخلت شي ماشترته حتى صبار شترت
....ولج شدعوه خاف يموتن
....لا راح اعتني بيهن سكتت شويه وكلت عزام
...عيونه
ابتسمت ...تسلم عيونك ...عاجبني اسوي حديقه بصف البيت
...منيلج هلفكره
...هيج عاجبني واريد اخلي مرجوحه بيها وراح اكول ل بابا يدزلي فلوس
....شلون تريدني ارفسها هسه واذبها من السياره
...ليش
....ولج اكو احد طالب منج فلوس لو مقصر وياج بشي
...لا بس ميصير الصرف كله من عمو سعد
...بعد عيني الصرف من كلج من عمج سعد
ولج اني مو بعينج
....لا موهيج بس انت هاي السنه تتخرج يعني متشتغل
... هواي اشياء متعرفيها عني
....لا اعرف
...شتعرفين بله
... اعرف انك عصبي وتتعصب بسرعه واذا واحد سوه غلطه اسرتله بأصبعي غلطه هلكددددوتها تطلع اعصابك عليه
هو يسمع من خلصت... كال بس هاي تعرفينه يرادلنه كعده نتعرف على بعض
...اي نكعد ليش لا
....تمام اليوم اربعاء الجمعه اسويلج الحديقه ومن نخلص نكعد ونتعرف
....ههههه ماشي
زينب .............
وصلنه ونزلت الزرعات عزام خلاهن بره كال يحتاجن شمس
اليوم جمعه نزلت متحمسه جان الجو حلو لاهو شته ولاهو صيف شهر ٣ بيبي هلايام مالها خلك وضغطها دوووم صاعد
اني حيل احبها هي وعمه اشواق وخاله فاتن دائما نطلع اني ويهن
نزور الامام الحسين والامام العباس (سلام الله عليهم)
ونروح منتزهات ونطلع للسوك جنا نطلع تقريبا كل شهر لان من يستلمن راتب عمه وخالتي نطلع واني عندي بابا من يجي هواي ينطيني
بس عمه خوله دوم تطلع ويه خواتها اهلها جانو بنفس محافضتنه بس اذا راحت لازم تضل اسبوع
اصلا نرتاح منها وسيف ميقبل يروح وياها وحيل تقرب منه اني والولد اصلا هو حباب
بس امه جانت مأثره عليه
مره سمعت عزام يكله ...لاتضل امك تمشيك عمرك مراح تصير رجال ولاتصير عندك شخصيه
هو من يومها حيل تغير وصار بكلشي ويانه
كملنه ريوك وعمو سعد راح للسوك هو وخاله فاتن لان سيف راد سمج اليوم عمو عمار هم جان موجود خلصنه ريوك واني غسلت اماعين وعمه خوله نظفت الهول وعمه اشواق كالت اطبخ تمن احمر ويه السمج
وبيبي راحت تتمدد
خلصت وطلعت ادور على عزام علمود يسويلي الحديقه
تمشيت سمعت بلصفحه مال بيت حجي ادنيت شويه سمعت عزام وعمو يسولفون
عزام ...يعني لشوكت تضل ضام الموضوع اول تالي ينكشف
عمار ...ادري بس مالي خلك مشاكل وابوك هم كلي اجل الموضوع
يتبع ....
لاتسووووون تضغطون على النجمه 😘
