رواية مشاعر مؤقتة
البارت الاول
بقلمي روان احمد
القصة حقيقية 100%
-----------------------------------------------------
🌿🌺🌺🌺🌺🌺🌺🌺🌺🌺🌺🌺🌿
ابتسام : جمانة يمة اكعدي صارت ب ٦ يلة تلحكين
العالم تريد الخبز من الصبح
جمانة : اي ماما كعدت هلو اني اسمي جمانة خالد
ارملة وعمري ٢٣ تزوجت عمري ١٩ ورى سنتين
انتحر زوجي لاسباب بعدين تعرفوهة ورى وفاة
زوجي رجعت وية امي بابا متوفي من جنت
صغيرة تمرض ومات صار عندة فشل كلوي
اتذكرة مثل الطيف جان عمري ٤ سنوات بوقتهة
اني كملت سادس علمي وكعدت لان
حالتنة ضعيفة ومنكدر لمصاريف الكلية امي
جانت تخبز وتخيط للعالم
حتى تعيشنة اني الوحيدة لاهلي بابا جان
متزوج قبل امي وعندة منهة ٥ ولد و٣ بنات
بس ماعرفهم ولاشايفتهم يكرهون ماما لان
بأعتبار نزلت ضرة على امهم والي عرفتة انو
امهم توفت كرايب عدنة خير
من الله عمام وخوال بس كلمن ملتهي بحياتة
ومحد مفكر بينة بس بالمناسبات نشوفهم
وامي هم متحب تختلط بيهم تكول كلهم مو
خوش ناس ومصلحجية وبلفترة الاخيرة
حتى بلمناسبات بطلنة منروح وگطعنة
كل علاقاتنة بيهم لأن هم ناس انانيين
ومفكروا يساعدونة او يگولون عدهم
بنت اخ او اخت لازم يفكرون بيهة
وهم يعرفون الدنيا مترحم
من قبل لااتزوج اني جنت اعين امي بالخبز
والخياط علمتني من اني وطفلة على شغل
البيت والخبز والطبخ لان ماعدهة غيري ورى
مترملت كمت اني اخبز واخيط
لان امي كبرت وتعبت من الشغل رجليهة بعد
متعينهة وصار عدهة اشكال امراض من القهر
علية ورى مترملت وهذا شي طبيعي
لان جان حلمهة تزوجني واستقر ويصير عدهة
احفاد بس القدر رجعني عليهة اني شكلي
مقبول شعري بني
طويل عيوني وسط ولونهن جوزي خشمي
وسط حلكي صغير ووجهي دائري وبيضة
أنت تقرأ
مشاعر مؤقتة (الاصلية )
Romanceهي ارملة عشرينية تدخل في زواج مؤقت بسبب الضروف مع عسكري اربعيني فهل سيقعان في الحب ام تبقى مجرد مشاعر مؤقتة تاريخ بدأ القصة 2 تموز 2022 لااحلل سرقة حرف واحد من القصة بقلمي روان احمد الرواية قيد التعديل
