دمتم برعاية المولى عز وجل
تصويت +تعليقات حلوة مثلكم
🌺مشاعر مؤقتة
بقلمي _روان احمد التميمي 🌺_
___________________________
جمانة : مااعرف شلون مرت هاي السنوات بكل
المشاعر الي بيهة بكل لحظة حب وغيرة وتوتر
خوف وقلق كل شعور من البهجة والعشق
عدت مثل البرق ماادري شلون كلشي انتهى
أو هذا الي چنت اتخيلة بس كاسنوڤا البصراوي
مراح يرتاح الة يجلطني وهلمرة القصة غير شكل
بعد مفكرت كلشي انتهى وصار سوالف وراح
اهجر كل هاي المشاعر المتعبة فاجأني
وخلاني من جديد اعيشهن واتعذب بيهن
فخلوني ارويلكم الي صار ويانة بقلم روان
عقيل : يلة بوية وين الريوگ تأخرت علدوام وهذا
القرد هم ريگي داخذة وياية
جمانة : اي هسة حبيبي بس ثواني ويجهز الريوگ
كملت البيض وطلعت الفطائر من المايكرويف
خليتهن بصحن يلة تعال حبيبي تريگ
وگفت اصبلة چاي وهو
گعد ياكل بسرعة واني بدلت لمسلم علسريع وگعدتة
ياكل اباوعلة شلون يفرك بعيونة حبيبي كبر
ودخل مدرسة وكلش شطور بدراستة
اجتي غرام تخطي توهة گاعدة وشعرهة
منكوش تموت ضحك گبل راحت يم عقيل
حضنت رجلة وهو شالهة وبوسهة من خدودهة
يروح ابوچ انتِ وغرامة
باوعتلة سويت روحي زعلانة
لأن گال غرامة گلتلة واني شنو لعد
عقيل : نذر اروحن لليزعلون اعشگهة عبنها
تشبهچ جمارتي وقطعة منچ
جمانة : ابتسمت وهو كمل ريوگ واخذ بيريتة وغراضة اشر
لمسلم يگوم خليتلة اللانش بوكس بلجنطة
بوستة وهو راح يركض لابوه لزم ايدة وطلعوا
واني وراهم شايلة غرام مسلم طلع قبلة
وعقيل التفتلي شعري چان مفلول من القراصة
لفة وشدلياه باسني بخدي واني لزمتة من زندة
دير بالك على روحك حبيبي
عقيل : لخاطر هلفستقة ادير بالي بعيني
جمانة : تسلم عينك حبيبي
طلعوا واني رجعت للمطبخ كملت ريوگ گعدت
امي سويتلهة ريوگ وغسلت المواعين ونظفت
البيت باوعت علساعة بعد وكت مو مال اطبخ
غدا هسة وعقيل ومسلم يتأخرون يلة يجون
لأن مسلم مدرسة اهلية وعقيل يتأخر بلدوام
لل 2 يلة يجي نوبات او اكثر گعدت اخيط
ملابس لغرام للصيف لأن الجاهز حار عليهة
اجتي يمي تريد ترضع جوعانة شلتهة رضعتهة
وسبحتهة راحت يم امي تلعب واني رجعت اخيط
رغم عقيل يتخبل من الخياط وميقبل ابد
أنت تقرأ
مشاعر مؤقتة (الاصلية )
Romanceهي ارملة عشرينية تدخل في زواج مؤقت بسبب الضروف مع عسكري اربعيني فهل سيقعان في الحب ام تبقى مجرد مشاعر مؤقتة تاريخ بدأ القصة 2 تموز 2022 لااحلل سرقة حرف واحد من القصة بقلمي روان احمد الرواية قيد التعديل
