اسعد الله اوقاتكم بكل خير
تصويت + تعليقات حلوة مثلكم
احبكم يااغلى ناسي
البارت الاخير لأن طويل فسويتة
على قسمين قرائة ممتعة
🌺🌺🌺🌺🌺🌺🌺🌺🌺
_____________________________
جمانة : ثاني يوم طلع عقيل من الصبح للدوام
واني ضليت بلبيت حايرة وين اروح خابرت امي
وتطمنت عليهة انتظرت مسلم يگعد وريگتة
باوعت البيت نظيف ومابي شي شسوي ياربي
ملل رجعت اريد انام مااگدر ممتعودة اضل
وحدي نطيت التلفون لمسلم وگعدت اشوف
وياه كارتون توني اريد اغفى دگ التلفون
جاوبت بين النايمة والگاعدة بس صوت عمتي
خلاني اصحصح
نبعة : شلونچ بنيتي
جمانة : هلو عمة شلونچ انتي
نبعة : شلوني ياعمة انة شوصيتچ ليش هيچ
ماوفيتي بوعدچ عقيل مرزلهة للبنية ومن البارحة
وهي تبچي حتى من البيت طردهة وين تروح
جمانة : واني شنو ذنبي عمة قابل اني طردتهة
نبعة : عقيل يحبچ يمة ويسمع كلمتچ خليه
يراضيهة لهاي المسكينة يصيبچ اجر
جمانة : عمة والله حاولت ومفاد هي تريدة
يعوفني اني واطفالي شنو ذنبنة احنة اني مأذيتهة
بشي ودائماً ادافعلنة ليش هي تريد اذيتي
نبعة : يمة قدري حالهة مو زين هي بعد عدهة عقل
الصار موش هين عليهة ابداً الله يرضى عليچ
قنعي يفك ياخة منهة اذا ميريدهة علاقل
ميطردهة من البيت وين تروح المسكينة
جمانة : ماشي عمة وعد احاچي بس هاي اخر
مرة لأن هو عصبي كلش ومجاي يقبل احد يتدخل
نبعة : ماشي يمة الله يرضى عليچ
جمانة : ضليت حايرة شسوي ياربي مااريد
اورط نفسي اكثر بهاي المسألة وهو قافل
گلت خل يجي ويصير خير احاول احاچيه
بهدوء وان مارضى اترك الموضوع
رجعت نمت ماگعدت غير على صوت طبگة
الكنتور فتحت شفتة عقيل ومسلم غافي بصفي
عقيل : صح النوم اشو اليوم متفترين بالبيت
أنت تقرأ
مشاعر مؤقتة (الاصلية )
Romanceهي ارملة عشرينية تدخل في زواج مؤقت بسبب الضروف مع عسكري اربعيني فهل سيقعان في الحب ام تبقى مجرد مشاعر مؤقتة تاريخ بدأ القصة 2 تموز 2022 لااحلل سرقة حرف واحد من القصة بقلمي روان احمد الرواية قيد التعديل
