مشاعر مؤقتة (الاصلية )

هدية

هذا البارت القصير هدية من جمانة

وتشكركم لدعمكم للقصة وتعليقاتكم اللطيفة

واني اريد منكم تكثفون الدعم والمشاركة

للقصة اريدهة توصل ملايين حبايبي

احبكم يااغلى ناسي

🌺🌺🌺🌺🌺🌺

جمانة : بالله اكو واحد ساكن البصرة وعايف

اللعبة وجاي يباوع وياية بلتلفزيون

عقيل : ولچ شني ماترديني انتي فوگ

مجاي اباوع وياچ واخاف تملين

وحدچ صدگ انتي __

جمانة : كمل شنو اني بالله

عقيل : انتي تخبلين جمارتي

جمانة : اسكت يمعود بدت اللعبة

عقيل : ترى انتي بديتي باللغوة مالتچ

جمانة : هفف اسكت عقيل فدوة

عقيل : سكتنة بوية الامر لله

جمانة : شگد تگول بوية ذبحتني

عقيل : ضارچ بشي انا احب هاي الكلمة

جمانة : وانا بعد احبهة

عقيل : سلاوات محمد

جمانة : ههههههههههههه تقلد علية

عقيل : صدگ شخبار وليدي

جمانة : ياهو بيهم

عقيل : ولچ مسلم توة نام دحچي عن الثاني

جمانة : مااعرف بعدة صغير ميتحرك

عقيل : ولچ اخذچ للدكتورة تفحصين

جمانة : لا مابي شي ان شاء الله

عقيل : عمتي وين

جمانة : نايمة تعرفهة متعلقة بمسلم من ينام

تنام بصفة متگدر بدونة

عقيل : امچ الوحيدة بالعراق عايفة اللعبة

ونايمة

جمانة : والله اني هم مااحب الطوبة بس هيج

شفت الناس مخبوصة لان كأس الخليج بالعراق

فقررت اتابع

عقيل : اگول گومي سويلنة چاي

جمانة : چاي شنو

عقيل : حتى اعدل مزاجي واتفرج

جمانة : اسويلك شامية احسن

عقيل : ولچ اريدن چاي شلي بالشامية

جمانة : هففف يمعود خل اتفرج لتطلع اللعبة

علية سم اريد اتفرج

عقيل : هيچ صارت ولچ گايم انا للغرفة حتى

اللعبة مااريد اشوفنهة