اسعد الله اوقات السهرانات ✨
تصويت + تعليق بين الفقرات
🌿مشاعر مؤقتة 🌿
بقلمي _ روان احمد التميمي _
_____________________________
عقيل : انداريت عليهة وهي منزلة راسهة بعدت عنهة
وحچيت بنترة عندج دقيقتين تلبسين وتطلعين
من الغرفة الي مالية عينة مرا متغري انتِ بهلسوالف
فخليچ وين مامخليچ انا من الاول گلتلچ
لتحلمين بهلسوالف بس انتِ ماتفهمين
ايات : بس فهمني شني ذنبي انا تعرف شكثر
صعبة علية اجي واعرض روحي عليك
عقيل : ادريهة صعبة بس الاصعب اني اخون
حرمتي وياچ مااگدر يابنت الناس الي مايجيچ
ومخلي گلبة بين ايديچ لتخلي يلمسچ
انتِ تستاهلين زلمة يحبچ
احاچيهة وانا رافع راسي مااريدن اخونهة حتى
بنظرة شگلچ جمارتي من يوم عشگتچ وانا مااگدر
اعاين لغيرچ بحب ولاافكر بغيرچ ابد
حتى علاقتي بحور الله يرحمهةچنت اجاهد
خاطر ماابينلهة اني مرايدهة ومانجحت ابد
لأنهة چانت تحس گلبي موش يمهة ابد ظلمت
نفسي وظلمت حور مرة مااريد ارجع واكرر الغلط
نفسة يزي الي صار بية لحد هللحظة مراح
ارضخ مرة ثانية لرغبة اهلي
لبست دشداشتهة وطلعت وانا گعدت علچرپاية
طفيت لايت التلفون ومددت مااريد حتى انزل
اتعشى احس تسممت جتي الكهرباء ضحكت
على سوالفهن حسبالهن ابن البارحة وتعبر
علية هلسوالف مالتهن گمت لبست واخذت
غراضي وطلعت من البيت مشتاگلهة
وروحي طاگة عليهة وهي مجروحة حيل مني
وحگهة شتريد تصدگ وشتريد تتحمل انا غلطان
يربي غلطت بحگ هليتيمة ومفكرت بجهالي
اغفرلي وازرع بگلبهة الحنية علية بلكت تعاين
لحالي وتشوف شجاي يصير بية وهي بعيدة
ربي محاب بشر بعمري كلة غيرهة لتعذبني بيهة
غلطت بس جل الي ميغلط ربي عندي امل
هلمرة تحن وتسامح
طلعت طريق طويل موصلت غير للفجر
وانا تعبان كلش نزلت اكلت بمطعم وتوجهت
لبيتنة شفتهة زحمة ادگ الباب دگيت عليهة
وهي متجاوب دزيتلهة رسالة اطلعي افتحي
الباب شوية گلت خاف نايمة بس اعرفهة
بهلوكت تگعد تقرى قرآن قبل الصلاة
فكرت اجط من السياج بس حسيت بحركتهة
فتحت الباب ومدت راسهة شوية
جمانة : نعم شرايد
عقيل : بوية هذا بيت ابو مسلم
جمانة : اي هذا
عقيل : چا متفوتي لابو مسلم مو عطب گلبة
أنت تقرأ
مشاعر مؤقتة (الاصلية )
Romanceهي ارملة عشرينية تدخل في زواج مؤقت بسبب الضروف مع عسكري اربعيني فهل سيقعان في الحب ام تبقى مجرد مشاعر مؤقتة تاريخ بدأ القصة 2 تموز 2022 لااحلل سرقة حرف واحد من القصة بقلمي روان احمد الرواية قيد التعديل
