اسعد الله اوقاتكم بكل خير حبيباتي
هذا البارت بطلبكم لان لحيتوا علية
حتى اكمل واني مااگدر افشلكم رغم
وضعي الصحي ميساعد فكثفوا تصويتاتكم
وتعليقاتكم احبكم يااغلى ناسي
🌺🌺🌺🌺🌺🌺🌺
________________________
حور : لا تفرق عقيل من انة على ذمتك شكل
ومن تطلگني شكل الناس ماترحم
عقيل : مالچ غرض بالناس المهم انتي تضلين
بخير والاحسن تلغين موضوع الطلاگ لان
غلط وانتي بهذا الوضع تقررين حياتچ
لازم تفكرين صح منو الچ غيري انة راح اتحملچ
بكل ضروفچ صدگي مامتعاجز اجيبلچ ممرضة
تخدمچ حدما تطيبين بس انتي وضعچ مراح
يرجع نفس گبل حور ولازم تفكرين بعقل
حور : يعني عماد گلك
عقيل : شگالي عماد مفتهمت
حور : لا هيچ
عقيل : احچي حور شني من شي ضامة علية
گلبي جاي يگلي انتي ضامة علية شغلة چبيرة
حور : ماضميت شضم يعني متشوف حالي
هو اكو انگس من الانة بي هسة
عقيل : احچي لا تختبرين صبري
حور : يزي عاد جاي اگلك مضامة شي
عقيل : حور عليچ بداعتي عندچ احچي
گلبي صاير نار والله انتي راح تموتيني ناقص عمر
حور : اسم الله عليك عقيل بس خايفة ماتتحمل
الي راح تسمعة
عقيل : احچي مو نشفتي دمي
حور : انة گلبي تعبان عقيل وماضنتي اعيش وكت
طويل العملية صدگ نجحت بس لازم اضل متقيدة
بكلشي واستمر على علاج طول عمري وانسى
شي اسمة اطفال او علاقة زوجية
هسة ارتاحيت من عرفت وانة شفت نتفارگ
من هسة احسن خاطر متزعل اذا صارلي شي
عقيل : وليش ماحچيتي من الاول واهلي ليش
ضموا علية هيچ سالفة
حور : انة طلبت منهم ماردتك تتكدر لخاطري
لتزعل انة ماتمنيت كل هذا يصير بس مجبورة
عقيل : وان تفارگنة راح ارتاح اذا صارلچ شي
انتي شمالچ ابوية عقلچ وين
أنت تقرأ
مشاعر مؤقتة (الاصلية )
Romanceهي ارملة عشرينية تدخل في زواج مؤقت بسبب الضروف مع عسكري اربعيني فهل سيقعان في الحب ام تبقى مجرد مشاعر مؤقتة تاريخ بدأ القصة 2 تموز 2022 لااحلل سرقة حرف واحد من القصة بقلمي روان احمد الرواية قيد التعديل
