دمتم بحفظ الله ورعايته
تصويت + تعليق بين الفقرات
احبكم غلاي
🌺مشاعر مؤقتة 🌺
بقلمي _روان احمد التميمي_ 🕊️
______________________________
جمانة : بيك شي حبيبي احسك متضايق
عقيل : لاابوية ماكو شي تعاي يمي ترددت احچي
خفت من ردة فعلهة بلاخص هي هسة حامل
وموش زين عليهة الانفعال
جمانة : متأكدة بيك شي
عقيل : شغل جمارتي شغل
جمانة : تمدد علفراش مدلي ايدة واني نمت
على صدرة صرت اسمع دگات گلبة بلفترة الي
چان بيهة مريض كل شوية اخلي راسي على صدرة
واسمع نبضة اخاف يصير بي شي چان صوت
نبضة يخليني احس بلامان ومازال صوتة يحسسني
انو بعد اكو امل بلحياة
عقيل : تلمست بطنهة وبست خدهة وهي ابتعدت
جمانة : بس اروح للحمام شوية
عقيل : راحت ترد من راسهة واني رحت وراهة
جمانة : اطلع فدوة نفسي تلعب
عقيل : مني ؟
جمانة : ماادري من اشتميت عطرك نفسي صارت
تلعب كلش
عقيل : ماشي راح اصيحلچ عمتي
جمانة : فاتت امي للحمام غسلتلي وجهي وطلعتني
گعدت بلصالة احس روحي راحت ليش ياربي
نفسي لعبت منة ابد ميصير وياية هيچ بلحمل
خايفة من ردة فعلة لأن كل رجال طبيعي
يضوج اذا مرتة تصرفت هيچ تقرب مني گعد بصفي
وهو يبعد شعري عن وجهي
عقيل : عادي ابوية تصير لتهتمين
جمانة : مو متقصدة والله بس مااعرف ليش
هيچ صار وياية
عقيل : اهدي حبيبتي مو مشكلة دگلچ تصير وية
هواية نسوان لتفكرين وروحي نامي وارتاحي
جمانة : گمت للغرفة تمددت بلفراش وهو ابتعد
عني مسافة حتى مااشتم ريحتة انقهرت كلش
هذا الحمل راح يحرمني من حضنة
غفيت من التعب والدوخة گعدت الصبح ريگتهم
واني كل شوية اريد اروح اتقيئ لما طلع عقيل
ومسلم رحت للحمام وضليت اتقيئ خفت لايطلع
اكو شي بية مو بسبب الحمل وبس لازم اروح
طبيبة واشوف وضعي
عقيل : ثاني يوم من الصبح خابرت سيدرا تتولى
القضايا لحد مااجي رحت لمنطقة هاي البنية
سألت على اهلهة طلع كلامهة صح عايشة وية
اخوهة وحدهم دلوني على بيتهم وگفت بلباب
دگيتة طلعلي ولد يطلع بل 30 اول مشافني
ارتبك
شمالك ليش خفت
طارق : سيدي مخايف بس اختي مختفية صارلهة
يومين وخفت لالگيتوهة ميتة او شي
عقيل : انتَ مقدم بلاغ بأختفائهة
طارق : لاسيدي
عقيل : چا شلون ندري اختك مختفية نقرى البخت
يامضعوف البخت
أنت تقرأ
مشاعر مؤقتة (الاصلية )
Romanceهي ارملة عشرينية تدخل في زواج مؤقت بسبب الضروف مع عسكري اربعيني فهل سيقعان في الحب ام تبقى مجرد مشاعر مؤقتة تاريخ بدأ القصة 2 تموز 2022 لااحلل سرقة حرف واحد من القصة بقلمي روان احمد الرواية قيد التعديل
