مساء الورد لعيون اغلى متابعات
تصويت + تعليق بين الفقرات
ومتابعة لحسابي اذا ممكن
قرائة ممتعة احبكم يااغلى ناسي
مشاعر مؤقتة
بقلمي _ روان احمد _
🌺🌺🌺🌺🌺🌺🌺🌺🌺
______________________________
حور : انة راضية بمهدي جدي ردلهم خبر
اني موافقة وراضية بأبن عمي
عقيل : شو ولچ عاينيلي شو چن مابعينچ احد
مو امس چان مهدي سكير وتذبحين رويحتچ
العزيزة وماتاخذينة شني جد اليوم
حور : احسن ماضلن عالة عليكم على الاقل
يصير عندي ضهر ومحد يگدر يكسرني
لو يمد ايده علية
عقيل : ولچ منهو گالچ انتي عالة اشايفتنة
متعاجزين من لگمتچ لو شني بعدين هاي
اول مرة امد ايدي عليچ وانتي تعرفين
السبب فلتغشمين نفسچ
دشي جوة ومهدي تنسين سالفتة
لا وحگ مصاب الحسين اذبحچ تراني ماناسي
سوالفچ لا تخليني اهينچ
حور : وهي شني سوالفي چي گلتلك احبك
صرت ماتطيگني ولا تريد شوفتي شني
سويت جريمة چي گلتلك احبك
عقيل : اعاين لابوي متفاجئ وامي نزلت
راسهة وحبوبتي فتحت عيونهة كلهة
انصدمت من حچيهة وانة اكثر واحد
مصدوم هاي شغيرهة هيچ بيوم وليلة
شهلگواية والعرامة مااستحت من ابوي
الگاعد ولا حبوبتي وتگلي احبك بكل صلافة
گمرة : شو دنطوني عصاتي دچسرهة بنات
تالي وكت شني تهيلگتن هي نوب
عقيل : رديت عليهة ببرود وانة عيني تخزر
بحور حبوبة جاهل والجاهل ماعليه عتب
حور : عاينتلة ودرت وجهي موش عاجبني
شني جاهل عمري 16 وهو علطول يگلي
الي بكبرچ فاتحات بيوت چا ليش يگلي
جاهل وموش عاجبتة
گمرة : بس نجي للحگ هي صگد فليتة
ومصختهة زايد
بس هي چنهة فلگة الگمر ماتلگي احسن منهة
وتربات ايدك وتعرفهة زين احسن من الغريبة
أنت تقرأ
مشاعر مؤقتة (الاصلية )
Romanceهي ارملة عشرينية تدخل في زواج مؤقت بسبب الضروف مع عسكري اربعيني فهل سيقعان في الحب ام تبقى مجرد مشاعر مؤقتة تاريخ بدأ القصة 2 تموز 2022 لااحلل سرقة حرف واحد من القصة بقلمي روان احمد الرواية قيد التعديل
