مساء الورد لاغلى متابعات
اريدكم تكثفون تعليقاتكم
وتصويتاتكم ماشي ورداتي
هذا البارت هدية من جمانة الكم
احبكم يااغلى ناسي
🌺🌺🌺🌺🌺🌺🌺🌺🌺🌺🌺
جمانة : طول غيابة عني هلمرة خابرني البارحة
گال عندي مفاجأة الچ مااعرف شمحضرلي
فتحت التلفون وطلعتلي صورتة الي مخليتهة
خلفية مع عبارة تزوجيه اربعيني خالط الشيب
شعره ضحكت على تفاهتي علطول ادزلة
صور الة والية وعليهن عبارات مضحكة
او عبارات رومانسية وهو يرد علية
لو نذر اروحن للجمار لو بطلي سخافتچ
صار عمرچ 27 ومتجوزين من سوالفچ طبعاً
عيشتي وية عقيل غيرتني هواية چنت اعاني
من عقد نفسية صعبة بسبب عيشتي وية
جمال وزواجي الفاشل منة وهذا هو سبب معرفتي
بصديقتي روان الي تعرفت عليهة عن طريق
صديقة على گروب علفيس مال بنات وچانت
روان هي الملاذ الي ساعدتني بمرحلة صعبة
جداً من حياتي على تخطي الازمات الي چنت
امر بيهة هلانسانة جداً مميزة وعدهة طاقة ايجابية
وتگدر تقنع المقابل بكلامهة چانت معرفتي
بيهة من احلى الاشياء الصارتلي بحياتي
صار وكت الغدا وعقيل دزلي رسالة لتسوين غدا
راح اجيب جاهز وياية استغربت هواية لأن
عقيل ميحب الاكل الجاهز يحب اكل البيت
كلش بلاخص طبخي هواية يحبة
ابتسام : ها يمة شو بعدچ مطابخة رجلچ على جية
جمانة : گال راح اجيب جاهز
مسلم : ماما اريد موزة
جمانة : هسة يروحي تعال وياية للمطبخ
ابتسام : تعال ولك بوس بيبي
جمانة : اباوعلة شلون ركض عليهة يبوس بيهة
كلش متعلق بيهة وهي هم تموت عليه
لان اني بتهة الوحيدة وهو اول حفيد الهة
روحهة من الدنيا هو حچية كلش مرتب وفصيح
عبك اكبر من عمرة علطول اداهر عقيل
اگلة طالع عليك مينغلب بالحچي اضافة هو يشبه
عقيل كلش وماخذ شوية مني هم شكلة حلو
أنت تقرأ
مشاعر مؤقتة (الاصلية )
Romanceهي ارملة عشرينية تدخل في زواج مؤقت بسبب الضروف مع عسكري اربعيني فهل سيقعان في الحب ام تبقى مجرد مشاعر مؤقتة تاريخ بدأ القصة 2 تموز 2022 لااحلل سرقة حرف واحد من القصة بقلمي روان احمد الرواية قيد التعديل
