صباح المحبة لعيون اغلى متابعات
تصويت + تعليق بين الفقرات
اليوم القصة وصلت 300 k وهذا
بجهودكم وتصويتاتكم وحبكم
وعندي ثقة راح توصلوهة ملايين
وكلي ثقة انو وصلنة هذا النجاح من دون
ابتذال ومن دون كلام خادش للحياء
احبكم يااغلى ناسي
🌺🌺🌺🌺🌺🌺🌺🌺
_______________________________
جمانة : عقيل طلع للدوام واني كلعادة
انظف البيت واجهز للفطور تقريباً الساعة ب 10
الصبح دگ تلفوني تفاجأت بعمتي جاي تدگ
استغربت اتصالاهة لأن من بعد الصار وية
حور مدگت علية ولا حچت وية امي
گلت يمكن ماخذة على خاطرهة او محملتني
ذنب بالصار جاوبتهة وگعدت علتخم
نبعة : شلونچ يمة
جمانة : الحمد لله عمة انتي شلونچ
نبعة : على الله رمضان كريم عليچ وعلى والدتچ
جمانة : الله اكرم شلونكم شلون عمو وعماد
نبعة : كلنة بخير يمة وين عقيل بالبيت
جمانة : لا عمة طلع للدوام
نبعة : جاي ادگ عليه ميجاوب
جمانة : يجوز عندة شغل وملتهي لتخافين
هو من يشوف اتصالاتچ يرجع يخابرچ
نبعة : يعني عقيل مگالچ
جمانة : شيگلي عمة
نبعة : عقيل زعل من عدنة لان ضمينة عليه
وضع حور احچي وياه بنتي خليه يسامحنة
كلنة نعرف روحة بيچ
جمانة : اي اكيد احچي وياه وميكون خاطرچ
الة طيب
نبعة : يمة اريدچ تحاچي وتخليه ميطلگ حور
هاي جاهل ومتعرف تتصرف اذا طلگهة تتخبل
يجوز تموت بقهرهة الله يخليچ يمة وضعهة
ميتحمل وبعد ماكو داعي للغيرة بينچن
هي حالتهة متسمح تصير زوجة الة
جمانة : شنوو مچنت اعرف بكل هذا بس لتخافين
بس يجي عقيل اخلي يعيد تفكير بالموضوع
نبعة : اي يمة فدوة لگلبچ هاي يتيمة مالهة احد
حرام عليه يشيل خطيتهة
جمانة : اي صح حرام وهي مالهة احد غيرة
أنت تقرأ
مشاعر مؤقتة (الاصلية )
Romanceهي ارملة عشرينية تدخل في زواج مؤقت بسبب الضروف مع عسكري اربعيني فهل سيقعان في الحب ام تبقى مجرد مشاعر مؤقتة تاريخ بدأ القصة 2 تموز 2022 لااحلل سرقة حرف واحد من القصة بقلمي روان احمد الرواية قيد التعديل
