اسعد الله اوقاتكن بكل خير
تصويت وتعليق لطفاً ✨
مشاعر مؤقتة
بقلمي 🌿روان احمد التميمي 🌿
اسفة للغياب بس والله البطلة محبت تكمل
القصة غير هسة اعذروني غلاي ❤️
______________________________
جمانة : مرت الايام بملل وروتين قاتل يوم يشبه
اليوم الي قبلة ماكو شي جديد التهيت بلخياط
افتح انستا احاجي بنات صارن صديقاتي هلفترة
واحب اسولف وياهن واحچيلهن عن تفاصيل
يومي يمكن من الملل الي اني بي دحاول الگي
شخص يسمعني او شخص يشجعني ويگلي
انتِ صح ومغلطتي بشي لأن امي تلوم بية
وتغريد كذلك من عرفت تخبلت صح مگلتلكم
تغريد تزوجت شخص تقريباً بعمرهة ومستقرة
وياه نوبات تجي تزورني وتطمن علية
ونتواصل علطول بلتلفون لأن هي صديقة
حقيقية ومااگدر ابد اتركهة او اقطع علاقتي
بيهة من بعد مرض غرام اجة نوبتين
تطمن عليهة وراهة بعد مااجة واني ضل بالي
وين راح ياترى معقولة يم ايات مجرد التفكير
بلموضوع يخليني اغلي شلون اذا صار صدگ
وحقق وعدة واتصل بية وبلغني بحملهة ساعتهة
مراح اضمن ردة فعلي ابد يمكن اخسر عقلي
ضليت فكرة تجيبني وتوديني راسلت صديقتي
نور وراهة حاولت انام بس مجاي اگدر احس
اكو شي واگف على صدري خنگة چبيرة كلش
احس بيهة ومجاي تروح ومااعرف شنو سببهة
يمكن من التفكير بعقيل يمكن من قهري على وضعي
صعبة من تحب انسان لهلدرجة وتنجرح منة
متخيلت يجي يوم ويصخي بية ويقهرني
طول عمرة يفكر بية وبمشاعري ممكن نزعل
وية شخص بس ملازم ننسى الاشياء الزينة
عقيل چان حيل زين وياية نوبات عقلي يحاول
يبرر الة الي سواه انو اهلة ويريد رضاهم ونوبات
لا گلبي المجروح هو الي يطغى على افكاري
وجرحة الچبير يخليني ماافكر اصلاً مجرد تفكير
اسامحة ميستاهل فرصة اللخ ابد
ههههه يافرصة هاي هو شوكت طلب فرصة
ومنو يگول يهمة انو يحصل فرصة او يريد
هلشي ضليت اتگلب ضجت كلش ومااعرف
شتصرف من بين ضوجتي وقهري قررت
ادزلة صوتية بس تذكرت هو حاظرني
وين ادزهة ياربي هسة اني اريد اطلع حرگة
گلبي اريد اعاتبة لحد هذا اليوم معتبت
اكتفيت بلابتعاد او السكوت اذا ضل هلحچي
يفتر بعقلي والحسرة بصدري راح تموتني
گمت اخذت تلفون امي خابرتة وانتظرتة
يرد افكار هواية جاي افكر بيهة ياترى
راح يجاوب ياترى ان عرف هاي اني يجوز
يسدة بوجهي واتفشل فشلة تسوى عمري
أنت تقرأ
مشاعر مؤقتة (الاصلية )
Romanceهي ارملة عشرينية تدخل في زواج مؤقت بسبب الضروف مع عسكري اربعيني فهل سيقعان في الحب ام تبقى مجرد مشاعر مؤقتة تاريخ بدأ القصة 2 تموز 2022 لااحلل سرقة حرف واحد من القصة بقلمي روان احمد الرواية قيد التعديل
