مشاعر مؤقتة (الاصلية )

تنويه

اسعد الله اوقاتكم بكل خير
ودمتم برعاية المولى عز وجل اريد
احچي وياكم شوية حبيباتي واخذ
رأيكم بموضوع واتمنى تحچون
بواقعية وياية وبدون مجاملة بنات اني
من نزلت طائر السنونو وگلتلهم ترى القصة
خيال مجرد مستوحاة من الواقع ومن اول مشهد
گلت هذا الشي حتى مااكذب على احد والمشهد
موجود علواتباد كذلك الي فاجأني تعليق
الصبح على مشاعر مؤقتة تخيلو اني سهرت
من ال 12 لل6 الصبح اكتب ذني البارتين
لان اريد اكمللكم الاحداث العندي قبل 10 محرم
بس صدمني تعليق انو القصة تلفيق والكاتبة
كل متضوج تطول القصة والي كاتبتهة عبك
صف اول ابتدائي بغض النظر عن الكلام
القبلة من فشروا علية وعلى اساس هذا الشي
قررت ماانشر علفيس نهائياً بعد مو لأن
صرت صريحة وگلتلكم يابة ترى خيال
قصة طائر السنونو تتهموني بكل قصصي
انو هن خيال وچمالة تهينون اسلوبي بلسرد
الغريب چان قبل اسلوبي يخبل ومن
گلت القصة خيال صار مال اول ابتدائي
ترى زحمة اني مو جاهلة ولامراهقة عمري
28 صار وخريجة وصاحبة عمل وادير
حياة كاملة واكتب زحمة يجي واحد
يگلي كلام منگالي ببدايتي من بلشت اكتب
الموضوع غثني لدرجة متتصوروهة
رغم اگول مااقرى تعليقات بس ارجع واشوف
خاف اكو غلط بلسرد او شي حتى اعدلة
فأنتو شتگولون كلامهة صح اني سردي
فاشل لو القصة بيهة تلفيق
اني قسماً بالله مكذبت عليكم الحقيقي حقيقي
والخيال خيال عمري مااجذب واستغل عواطفكم
وهسة انطوني رأيكم حتى اذا سردي فاشل
اعتزل الواتباد 😓🥺