اسعد الله اوقاتكن بكل خير
تصويت وتعليق لطفاً ✨
🌿مشاعر مؤقتة 🌿
بقلمي روان احمد التميمي
رجعت نشرتة للي متطلع عدهم التكملة
__________________________
جمانة : گلبي ممرتاح ابد احس عقيل بي شي
وضامة علية بس شنو هو ياترى قررت اخابر
عماد خاف صايرة مشكلة وميريد يحچيلي
دگيت عليه جاوبني حاولت ماابين توتري
السلام عليكم شلونك اخوية
عماد : هلا اخيتي شلونچ
جمانة : الحمد لله الاهل شلونهم
عماد : كلنة بخير وانتو شخباركم جهال اخوي شلونهم
جمانة : الحمد لله الكل بخير بس دگيت حتى
اتطمن على عقيل خابرت عليه مدري شبي
احسة ضايج ومقبل يحچيلي شي اذا صاير
وياه شي ياريت تگلي
عماد : لامصاير كلشي
جمانة : متأكد
عماد : اي ماكو شي بس تعرفين تعب عليه
يروح ويرجع للبصرة وتعب الشغل
الله يساعدة
جمانة : اي والله الله يساعدة اني بس خفت
عليه وگلت اخابرك اشوف خاف بي شي
عماد : لاتطمني اخيتي
جمانة : اشكرك كلش
عماد : العفو خيتي سلميلنة على الاهل
جمانة : يوصل ان شاء الله مع السلامة
عماد : مع السلامة
جمانة : سديتة احس كلامة مجاي يطمني
ابد هم لو قريبين چان رحت بنفسي وشفت
احساسي ابد ميغلط اكو شي مضموم عني
ابتسام : شبيچ حبيبتي تتصفنين
جمانة : احس عقيل بي شي
ابتسام : مو ديخابرچ يومية
جمانة : اي يخابرني بس صوتة مدري شبي
ابتسام : لتكبرين الامور ان شاء الله
ماكو شي حبيبتي
جمانة : ان شاء الله
رحت للغرفة مددت حاولت انام مگدرت
بعد وكت گمت علمطبخ عزلتة مسحت الكاونتر
وجلفت الحايط وامي تحچي علية لأن بعدني
طارحة جديد بس اني مسمعت كملت وغسلت
البيت كلة وجلفت الصحيات ورحت سبحت
ومددت تعبانة كلش بس مجاي يجيني نوم
احساس غريب اجة مدري منين انو عقيل
هسة وية مرية غيري مااعرف شك او شنو
بس فكرت هو هسة وية وحدة ومتزوجهة
اي شمدريني ميطلع متزوج هناك والة ليش
ميفوت ولااجازة اذا ميروح لأهلة
بس لامستحيل عقيل يحبني
واذا يحبني مو تزوج حور قبل يجوز يسويهة
انوب ويتزوج بلاخص اهلة مراضين على
أنت تقرأ
مشاعر مؤقتة (الاصلية )
Romanceهي ارملة عشرينية تدخل في زواج مؤقت بسبب الضروف مع عسكري اربعيني فهل سيقعان في الحب ام تبقى مجرد مشاعر مؤقتة تاريخ بدأ القصة 2 تموز 2022 لااحلل سرقة حرف واحد من القصة بقلمي روان احمد الرواية قيد التعديل
