مساء الخير لعيون اغلى متابعات
تصويت + تعليق بين الفقرات
ومشاركة للقصة ومتابعة حسابي
احبكم يااغلى ناسي
مشاعر مؤقتة
بقلمي _ روان احمد _
🌿🌺🌺🌺🌺🌺🌺🌺🌺🌺🌺🌿
_____________________________
جمانة : عيني علساعة تمنيت الوكت يوگف
وميمشي بعد كلش خايفة ومااعرف شلون
راح اتصرف صرت اتخيل شغلات تصير
وافز كلساع من افكاري كرهت نفسي
لأن حسيت روحي رخيصة كلش ومااستاهل
الثقة والاحترام الي نطتهن الي امي
گلتلهة لامي العصر اروح للسوگ وية تغريد
اشتري لوازم للخياط وهي معترضت لأن
متعرف بكل الي جاي يصير نوبات اتمنى
لو اگدر احچي الحقيقة ومااضم شي عليهة
بس مااگدر لأن اعرف امي كلش زين
مراح تتحمل هيچ خبر يجوز ياستار تنجلط
وهذا الشي جاي يزيد توتري وخوفي
للعصر اجتي تغريد وقبل لااطلع رحت
گعدت يم امي وبست ايدهة وگلتلهة
بصوت خافت سامحيني ماما والله جاي
اسوي كل هذا لخاطرچ مسحت دموعي
وطلعت بطريق بدايتة خوف ودموع ونهايتة
مااعرف شراح تكون صعدنة تكسي
واني عيني علجامة اباوع على كلشي
بلطريق واحاول اتماسك ومااخلي دموعي
تنزل احسهة اللحظات الاخيرة الي حعيشها
بأحترامي لنفسي بعد هذا اليوم راح اكره
نفسي للأبد چنت مثل السمچة الي تطلع
من المي مجاي اگدر اعيش بهذا الوضع
هذا مو مكاني ولا بيئتي وصلنة للعنوان
واني صافنة منتبهت الة من عستني تغريد
باوعتلهة وهي اشرتلي انزل نزلنة وهي
دگت الباب چان بيت حديث واكو زرع
بصف الباب شوية وطلعت مرية يطلع
عمرهة بلتلاثين ومخلية الشال شمر على
شعرهة وصابغتة احمر دخلنة وهي ضلت
تسولف وية تغريد وتتشاقى واني بالي
مو يمهن ابد جابت عصير وكيك بس ممديت
أنت تقرأ
مشاعر مؤقتة (الاصلية )
Romanceهي ارملة عشرينية تدخل في زواج مؤقت بسبب الضروف مع عسكري اربعيني فهل سيقعان في الحب ام تبقى مجرد مشاعر مؤقتة تاريخ بدأ القصة 2 تموز 2022 لااحلل سرقة حرف واحد من القصة بقلمي روان احمد الرواية قيد التعديل
