اسعد الله اوقاتكم بكل خير
تصويت + تعليق بين الفقرات
احبكم يااغلى ناسي
هذا هو البارت قبل الاخير
فكثفوا دعمكم للقصة حبيباتي
بارت طويل لعيونكم واسفة كلش
لأن تأخرت بالتنزيل المرض جبرني
والله والة اني مو من الكاتبات الي اساوم
المشاهدين الة تصعدون القصة يلة انزل
اني عندي استعداد انزل بارت بطلب من متابعة
وحدة وكل متابعيني يعرفوني واسفة لأن
مجاي اجاوب علتعليقات راح احاول اجاوب
بلفترة الجاية وشكراً لكل دعواتكم الحلوة
الي نطتني القوة وخلتني احس بحبكم الية
ربي ميحرمني منكم يااغلى ناسي
قرائة ممتعة
🌺🌺🌺🌺🌺🌺🌺🌺🌺
____________________________
عقيل : فتت للغرفة شفتهم مخليهة علاجهزة
متغيرة حيل ومبينة منتهية گلبي انقبض خفت
هواية عليهة ضليت گاعد يم راسهة وامسح
على شعرهة ياربي مچان لازم اهدهة وهي بهاي
الحالة بس شسويلهة اذا هي متريد وجودي
يمهة بس اريد اعرف شنو الي يرضيهة
خاطر اسوي تعبت وياچ وتعبتي نفسچ بعنادچ
مااعرف وين راح تصفى وياچ بلاخير
عماد : گوم عقيل روح للبيت ارتاح انت اجيت
من طريق بعيد احنة كلنة وياهة
عقيل : مااگدر هي بحاجتي بهاي اللحظات
عماد : الله يعينك يخوي ويساعدك على هذا
الابتلاء الي انحطيت بي
عقيل : روح للبيت حرمتك وحدهة انة ضال هنانة
عماد : ماشي رايح انة بس ان صار شي خابرني
عقيل : ماشي ضليت گاعد بصفهة حدما صار
العصر غفيت علكرسي ماحسيت على نفسي
گعدت على صوتهة تصيحني بصوت ناصي
حور : عقييل عقييل
عقيل : ها ابوية شلون صرتي
حور : انة وين
عقيل : بالمستشفى ليش تأذين نفسچ بنيتي
شوفي عنادچ وين وصلنة اذا هلكثر تحبيني
ليش جاي تبعديني عنچ
حور : ارييد مي
عقيل : دقيقة طلعت جبتلهة من برا ورجعت
أنت تقرأ
مشاعر مؤقتة (الاصلية )
Romanceهي ارملة عشرينية تدخل في زواج مؤقت بسبب الضروف مع عسكري اربعيني فهل سيقعان في الحب ام تبقى مجرد مشاعر مؤقتة تاريخ بدأ القصة 2 تموز 2022 لااحلل سرقة حرف واحد من القصة بقلمي روان احمد الرواية قيد التعديل
