اسعد الله مسائكم بكل خير ✨
تصويت +تعليق لطفاً ❤️
🍁مشاعر مؤقتة 🍁
،،،،،بقلمي روان احمد التميمي ،،،،،
_______________________________
جمانة : چنت بين الواعية وبين الفاقدة حسيت
بي شالني واخذني للمستشفى اتمنى ابتعد عنة
واصير بعيدة كلش حقدت عليه حقد بس الله
يدري بي تمنيت شوية صحة حتى بس اگعد
ارزلة او اطلب الطلاق والله مااضل على ذمتك
بعد ياعقيل لو تنگلب الدنيا كافي الصار بية
بعد فترة فقدت الوعي تماماً گعدت على صوت
بنية تحچي وياه عرفتهة ممرضة من فتحت
عيوني باوعتلة ودرت وجهي مااريد حتى
اباوع بوجهة شگد استغفلني لعد
شگد طلع حقير وميخاف الله طلع كل حبة چذب
تقرب مني يريد يحاچيني ضربتة راجدي وهاي
چانت اول مرة بحياتي ارفع ايدي واضربة
هو ضل مصدوم من تصرفي وباوع وراه
الممرضة طلعت مشافتنة
عقيل : شني هذا الي سويتي
جمانة : استحقاقك هذا ياخاين راح اموت
ناقصة عمر من وراك منية هاي الي متريد تعترف
بأبنهة ايات لو غيرهة بس فهمني شنو من بشر
انتَ عرفتك متعديهة ولازم تقهرني بسبب
طلعتي من البيت والله ثم والله مااضل على
ذمتك بعد كافي خل تفرح امك ومرتك
الجديدة خل يشبعن بيك اني مااريدك
عقيل : انتِ مواعية شجاي تسولفين وكافي انفعال
ضغطچ صعد كلش ردتي تنجلطين
جمانة : ياريتني انجلطت ومتت ولاگعدت وشفتك
تحچي ببرود وياية ولاكأنك مسوي شي
عقيل : لأني ممسوي شي وحاولي تتفهمين
وضعي جمانة الراجدي مالتچ ارجعة الچ بلوكت
الصحيح وتجاوزچ كلة وهسة خل نطلع
جمانة : طلعنة من المستشفى واني اصريت انو يروح
وميشوفني وجهة بعد طلع مدري وين راح
واني رجعت مددت بفراشي كلهة نايمة محد
عرف بالي صار ليش مگعد امي وحچالهة
اكيد مالة عين بعد سوالفة التعبانة كل مااتذكر
احس روحي اصير اغلي شگد چنت غبية
وصدگتك الله ينتقملي منك ومن اهلك على
كلشي صار بية ولاتضحية مني وگفت
بعينك ولاشي معقولة وين حبك لعد وغزلك
كلة چذب بچذب حرامات اگول حبيتك بيوم
لازم اخلص منك كافي حرگ اعصاب والله
راح اموت من القهر
ماادري شلون غفيت يمكن من الادوية وتأثيرهن
گعدت الفجر صليت ودعيت انو الله يخلصني
منة ومن هاي الازمة الي جاي تمر على حياتي
دعيت هواية وشكيت ودموعي منشفن ابد
هواية طلعت مغشوشة بي مچنت اتصورة ابد
بهاي البشاعة وچمالة يريد يعاقبني على راجدي
ضربتة الة بلحظة غضب وتصرفاتك انت وياية
شنو لعد كل ضربة تجيني منك اقوى من القبلهة
شگد اريد اتحمل بعد وياحب الي يسوى نتحمل
علمودة كل هذا العذاب ونقاوم لازم اشوف حياتي
أنت تقرأ
مشاعر مؤقتة (الاصلية )
Romanceهي ارملة عشرينية تدخل في زواج مؤقت بسبب الضروف مع عسكري اربعيني فهل سيقعان في الحب ام تبقى مجرد مشاعر مؤقتة تاريخ بدأ القصة 2 تموز 2022 لااحلل سرقة حرف واحد من القصة بقلمي روان احمد الرواية قيد التعديل
