مساء السعادة والراحة النفسية
اتمنى لكم مساء جميل كحضوركم وتعليقاتكم
اسعدني ان لدي متابعين يحبوني وينتظرون
البارتات ويتأثرون بها جداً سعيدة بكم
وبوجودكم معي ياعائلتي الثانية
كثير يضن اني اقول هذا لاكسب متابعين
او لاني لم احضى بكثير من الشهرة بعد لكن
من تعرفني من متابعاتي تعرف من اكون وكم
انا صادقة بهذه المحبة مسائكم👇👇
🌺🌺🌺🌺🌺🌺🌺🌺🌺🌺🌺🌺
جمانة : شدسوي حبيبي مو مهم الاحتفال كافي
تذكرتني وجبت هدية وكيكة اني نفسي ممتذكرة
عيد ميلادي روح نام اكيد تعبان
عقيل : ريت كل سنة تضوي دنيتي بيك
وريت الصبح مايجي اليوم ولايلفي يمنة
ريت الشمس ماتطلع اليوم ويبات الگمر بحضنة
هو العندة مثلك هم ترمشلة عيون شافتك الوادم
صاحت احوو شكبر حظنة يو باوعلنة
كل سنة وانتي الي والله يقدرني اسعدچ
جمانة : دمعت عيوني شمرت نفسي بحضنة
وصرت ابچي بصوت عالي يمكن هواية منكم
عايش هاي اللحظة من يمر بي موقف يقهر
بعدهة يكتشف هو چان متوهم وتصير دموعة
تنزل بس ميعرف يفسرهة دموع فرح حزن
عقيل : ليش تبچين
جمانة : تخيلتك تغيرت علية عقيل
عقيل : سبحان اليغير وميتغير كل بشر يتغير
جمارتي بس اوعدچ اضل هذا انا حدما اموت
جمانة : بعدت عنة وحطيت ايدي على حلگة
اسم الله لتحچي هيچ الله يجعل يومي گبل يومك
عقيل : اسم الله عليچ يعمري ليش تفاولين على روحچ
جمانة : لاني مااريد اعيش بدنيا انت مابيهة
عقيل انت الشي الي خلاني اضحك بعد السنين
الحزن المرت على گلبي متخيلت يجي انسان
يرجعلي السعادة
عقيل : لانچ عدلة ومامشيتي بدرب مو زين
كل انسان الله يجازي بكثر مامسوي زين بدنيتة
جمانة : تدري اكو سؤال صارلي 4 سنوات اخاف
اسألة وانصدم من الجواب
عقيل : ليش تخافين
جمانة : عقيل انت تزوج قبلي
أنت تقرأ
مشاعر مؤقتة (الاصلية )
Romanceهي ارملة عشرينية تدخل في زواج مؤقت بسبب الضروف مع عسكري اربعيني فهل سيقعان في الحب ام تبقى مجرد مشاعر مؤقتة تاريخ بدأ القصة 2 تموز 2022 لااحلل سرقة حرف واحد من القصة بقلمي روان احمد الرواية قيد التعديل
