مساء الورد لعيون اغلى متابعات
تصويت + تعليق بين الفقرات
احبكم يااغلى ناسي
هذا البارت اهداء لكل وحدة
طلبت بارت واني مااگدر ارد طلبكم
🌺🌺🌺🌺🌺🌺🌺
_________________________
عقيل : رحت لبيتي التراب تارسة والدنيا
ظلمة شغلت الاضوية ونفضت الچرچف
مال چرپاية رجعت فرشتة وتمددت عاينت
علمكان نيالة حظي نسوان ثنين وگاعد وحدي
چا هم ينلامون اهل گبل من كل واحد يطگلة
3 و4 اثاري صدگ هذا دواهن حاولت انام
مگدرت متعود عليهة وماارتاح غير بلنومة
على ريحتهة وعلى صوتهة الي ياخذ روحي
ويخليهة ملك الهة فتحت التلفون وطلعت
صورهة اووف يولي وين چنتي مضمومة
وين چنتي كل ذيچ السنين يمكن لو شايفچ
من قبل عشر سنين چان هسة كلشي
تغير يمكن چان ماضليت بحسرتي انچ
انزفيتي لغيري بيوم وگلبي مينطيني
اسأل شسوى وياچ ولا شصار بينكم نار تحرگ
بية عشگچ عذاب الله بلاني بي ومااعرف
شلون اتحملة يجمارة گلبي ياتعبي بدنياي
ياعشگ الشيب وتالي العمر گلت لازم ادزلهة
رسالة مااضل متعذب وحدي
مابيك ريحة دفو ومابيك كل حنية
هنت عليك يلچنت من عيوني تعرف شبية
سهل صاير عندك الفراگ وسهل تعيش بلياي يومية
وسهل بلية حضني تنام وتعودت وجناتك علمخاد
ونست شلون چانت تغفى على ادية
شلون هانت عليك ذيچ الايام وگدر گلبك
يحمل گلبي الاذية
انتظرتهة تشوف الرسالة ماكو مردت
جمانة : چنت گاعدة ووصلت رسالة منة
مااعرف هو وين هسة ولاشجاي يسوي
انوب من قريت الرسالة انتهيت من البچي
ياربي كلة الة عقيل ليش هيچ حچيت
وياه واذيتة بكلامي ليش ياربي صار كل هذا
مگدرت اجاوبة شگلة يعني مااگدر ابرر
كلشي اني الغلط راكبني من ساسي لراسي
أنت تقرأ
مشاعر مؤقتة (الاصلية )
عاطفيةهي ارملة عشرينية تدخل في زواج مؤقت بسبب الضروف مع عسكري اربعيني فهل سيقعان في الحب ام تبقى مجرد مشاعر مؤقتة تاريخ بدأ القصة 2 تموز 2022 لااحلل سرقة حرف واحد من القصة بقلمي روان احمد الرواية قيد التعديل
