دمتم بحفظ الله ورعايته ✨
تصويت وتعليق بين الفقرات ❤️
🌿مشاعر مؤقتة 🌿
بقلمي _ روان احمد التميمي _
_______________________________
ايات : مثل متريد هاي شغلة تخصك ان ردت
مرتك تعرف او لا
عقيل : تمام وصلتهة لبيتهة ورجعت للبيت
متكدر حيل ومااعرف شسوي مااريد اجرح
جمانة هلمرة ان عرفت متعدي السالفة
واكيد زعلهة يصير چبير ماكو مرة تتحمل
رجلهة يتزوج عليهة وهي اخر من يعلم لو مهما
چانت طبيعة الزواج مراح تتقبلة
نبعة : ها عقيل شقررت
عقيل : يمة راح اتزوجهة لخاطرچ بس حرمتي
ملازم تدري بلموضوع يعني اذا جمانة
شمت خبر اطلگهة دير بالچ تحاولين
تجبريني عليهة بهذا الشكل وترى اتفقت
وياهة تجي هنا حالهة حال بناتي مااگربهة
لو يضل بعمري يوم
نبعة : ليش عقيل هاي انتَ الي تخاف ربك
هيچ تريد تسوي شني ذنبهة هي هم مرا
وتريد زلمة يهتم بيهة المن ماخذتك لعد
عقيل : مجابر احد اني تگدر ترفض بس هي
وافقت على هذا الزواج
نبعة : ولك عبن ماعدهة اب المسكينة ضالة على
نسوان اخوتهة يكفخن بيهة
عقيل : هي هم گالت هيچ وهذا الي خلاهة توافق
تتزوجني بهذا الشكل
نبعة : عقيل ليش تفضحنة ايات راح تصير حرمتك
ميصير تعزل نفسك عنهة
عقيل : يمة ترى الموضوع هيچ وگوة متحملة
مااريد اتزوج ولااخسر مرتي جمانة تحملت
هواية بسببي مااگدر يومية اغثهة
نبعة : شني الي تحملتة بنت بغداد محد تحمل
غير المرحومة سودة علية متهنت بشي
عقيل : كلة منكم حور چانت طفلة وبدال متوعنهة
انتِ واسراء چنتن تشجعنهة لما صار الي صار
وكلة صوچي انا چان المفروض مااتزوجهة
ماتت وهي زعلانة وگلبهة مكسور من سوالفچن
والة هي جاهل الله يرحمهة المفروض
تدرس تحير بحياتهة
نبعة : وليدي راحت للارحم من عدنة ليش تريد
تعيد الي صار وية حور الله يرحمهة
وية ايات شني ذنبهة
عقيل : لااني بلعكس مااريد اعيد الغلط
عرفتهة من الاول اني ماعندي مكان بگلبي
لحرمة ثانية ولاناوي اعتبرهة حرمتي
انتِ ردتي چنة وياچ وهاي جبتلچ وحدة
شتردين بعد بس فهميني
نبعة : ولك اريدن اشوف جهالكم داير مدايري
اريدن افرح بيهم
أنت تقرأ
مشاعر مؤقتة (الاصلية )
Romanceهي ارملة عشرينية تدخل في زواج مؤقت بسبب الضروف مع عسكري اربعيني فهل سيقعان في الحب ام تبقى مجرد مشاعر مؤقتة تاريخ بدأ القصة 2 تموز 2022 لااحلل سرقة حرف واحد من القصة بقلمي روان احمد الرواية قيد التعديل
