اسعد الله اوقاتكن حبيباتي
تصويت + تعليقات حلوة مثلكم
مبقى غير 9 بارتات ونختم القصة
كثفوا دعمكم للقصة وشاركوهة وية
اهلكم واصدقائكم
احبكم يااغلى ناسي
🌺🌺🌺🌺🌺🌺🌺🌺🌺🌺
______________________________
عقيل : طلعت للشغل وانا بالي كلة بالي گالتة
شچانت تقصد انها ماتصلح ام او زوجة
اكو شي ضامتة علية خابرت عماد وسألتة
شگالتلهم الطبيبة گالي محچت شي بس علمتنة
علادوية ونطتنة تعليمات شلون نعتني بيهة
ضليت حاير بأمري وصلت للمركز اول مفتت
اجتي سيدرا تتمشى بأتجاهي
سيدرا : حمد الله على سلامتك سيدي
عقيل : الله يسلمچ
سيدرا : صدگ نسيت اگلك سيدي كل الشغل
گدرنة نسويه بس اكو اوراق محتاجة توقيعك
مگدرنة نتصرف بيهة وانتظرناك تجي
عقيل : مو مشكلة بس خلي يجيبولي گهوة
راسي جاي يفتر
سيدرا : بيك شي احسك مريض
عقيل : وعكة صحية وعدت الحمد لله
سيدرا : حمد الله على سلامتك وصدگ نسيت
رمضان كريم
عقيل : الله اكرم
سيدرا : تفضل لمكتبك سيدي شوية واجيبلك
الاوراق واوصيهم يسوولك گهوة
عقيل : تمام
جمانة : ماما اريد اروح للدكتورة اخذ سونار
ابتسام : اي خلي رجلچ يوديچ العصر
جمانة : مااريد اطلب منة هيچ شي هو الي بيه
مكفيه مااريد اضايقة
ابتسام : اخذچ اني
جمانة : اي احسن اخابرة واگلة
ابتسام : براحتچ يمة بس منو يگول يرضى
هو علطول ياخذچ
جمانة : لا مااعتقد يعترض
مسلم : اني مااروح وياكم
جمانة : ليش عيني انت مو رجال البيت من بعد ابوك
مسلم : بابا اقصد ابوية وعدني ياخذني للسوگ
ويشتريلي سيارة ونروح لمدينة الالعاب
جمانة : ليش تگول ابوية مو بابا
مسلم : مو ابوية گلي لتتماوع نفس امك
أنت تقرأ
مشاعر مؤقتة (الاصلية )
Romanceهي ارملة عشرينية تدخل في زواج مؤقت بسبب الضروف مع عسكري اربعيني فهل سيقعان في الحب ام تبقى مجرد مشاعر مؤقتة تاريخ بدأ القصة 2 تموز 2022 لااحلل سرقة حرف واحد من القصة بقلمي روان احمد الرواية قيد التعديل
