مساء الخير على عيون اغلى متابعات
تصويت+ تعليق بين الفقرات
احبكم يااغلى ناسي
وتقبل الله صيامكم وقيامكم
🌺🌺🌺🌺🌺🌺🌺🌺
_______________________________
حور : انت السبب عقيل انت ردتة يموت خاطر
متكدر حبيبة گلبك وميصيرلك جهال من غيرهة
عقيل : هووووس نعل تربيتچ ترى انا بس
مقدر مرضچ وحالتچ والة چان شوفتچ نجوم الضهر
حور : اي انت مگادرك على حور اليتيمة الي مالهة
ضهر انت متخاف ربك عقيل وكل همك ترضي
حرمتك ممهتم بية ولاحاسبلي حساب
عقيل : ولچ انا سحگت على نفسي الة گلت يزي
بس خاطر مااحسسچ بنقص او شي او اخليچ
تغارين حتى اهلي اخذهم يشوفون حفيدهم
حتى ماتنغثين وتشوفيهم بعينچ وتالي وياچ
كل بلوة تسويهة واسكت وابلع طلعتچ بدون علمي
وجبتيلي مصيبة وخليتيني اركض ورى ناس
ساق٫٫٫٫ة بس خاطر اخذ حگچ وسالفة كاظم
هو وابوه نسيتي شسويت بيهم لخاطرچ
تدرين شكثر توسلوا اطلعة وانا ماطلعتة بس
خاطر ميتعرضلچ من انتي طفلة انا الي اعرفچ
اكثر من الدنيا كلهة ودللتچ وحبيتچ وتالي
تجين تحاچيني هيچ ولچ لو انا مااخاف الله
مااتكفلچ ولاانفذ وصية ابوچ تدرين شكثر
العالم حچت على گعدتچ ابيتي وجتني سوالف
تشيب الراس بس چنت اسكت لخاطرچ ولچ
انا گلبي محترگ عليچ حتى هذا الجاهل ممهتملة
ولاالف جاهل يهمني انا ردتچ انتي تگومين بلسلامة
تالي تطلعيني مجرم مااستغرب اذا بعد جم يوم
گلتي انت نطيتني علاج وموتت ابني وخليتني
اصير مريضة بلقلب موش انا الي مااخاف الله
انتي الي متخافي ابد ولاتستحين حرامات بيچ
التعب طلعتي ماتسوين شكثر عذرتچ
وتحملت غبائچ وسوالفچ التعبانة تالي اطلع
انا موخوش ادمي بس صدگ انا مو خوش لاني
صرت طيب زيادة عن اللزوم واحترمتج زيادة
حور : اي انا مااستاهل وانت بعد ماتستاهلني
أنت تقرأ
مشاعر مؤقتة (الاصلية )
Romanceهي ارملة عشرينية تدخل في زواج مؤقت بسبب الضروف مع عسكري اربعيني فهل سيقعان في الحب ام تبقى مجرد مشاعر مؤقتة تاريخ بدأ القصة 2 تموز 2022 لااحلل سرقة حرف واحد من القصة بقلمي روان احمد الرواية قيد التعديل
