اسعد الله اوقاتكن بكل خير
تصويت وتعليق لطفاً
مشاعر مؤقتة
🌿 بقلمي روان احمد التميمي 🌿
____________________________
عقيل : ضليت افتر مثل التايه ما اعرف وين
اروحن ياربي شسوي ليكون صارلهة شي
خابرت اوس وگلتلة على الي صار وهو گال
راح اشوفلك الحوادث الي صارت اليوم
والي دخلوا مستشفيات شطلعچ يابنت الاوادم
شعملتي بحالي ولچ چان غزر بيچ شي من الي
سويتة الچ ومنزلتي راسي أريدن بس اشوفچ
واشرب من دمچ ضربت على گلبي بقوة
هو أنا وين اگدر ائذيهة لو امد ايدي عليه
هو راجدي واحد دفعت كفارة واستغفرت
الله عليه وليهسة ما اعرف شلون گدرت
اسويهة واضربهة ربي بس رجعهة الي
سالمة وانا احررهة مني ومااخليهة تتأذى
بعد ولااجبرهة علية بس ترجعلي ياربي
افتريت كل شارع وكل مكان مالهة اثر چن
اختفت ووين الگيچ هسة من كون احترگت
أنا واهلي الي سوينة بيچ هيچ كون اتعذب
كل يوم وكل ساعة بسبب الي صارلچ
وينچ بس دليني واجيچ لاخر الدنيا
رقمهة مغلق يجوز متخلصة من الخط
گعدت على الرصيف راسي يريد ينفجر كل ماافكر
بلي ممكن يصيرلهة نار تگب بية هي وين تندل
خاطر تطلع اروح ادورهة عند خوالهة وعمامهة
رجعت للبيت اخذت عمتي وافترينة عليهم كلهم
محد شايفهة انوب عمهة گالي كلمة فورت
اعصابي گال شمتوقع منهن لعد هو هاي سوالفهن
اخلص منهة هاي تربية ابتسام شتريد تصير
لزمتة من ياختة وحچيت بنتر اياك تعيدهة
تشرفك ياسا..... سمعت دفعتة وطلعت رجعت
عمتي للبيت واستمريت ادور عليهة مماكل
كلشي من الصبح دخت كلش بس مااگدر
اخلي لگمة بحلگي ابد وهي ماكو ضليت ادور
للفجر حدما خلصت طاقتي طفيت السيارة
وغفيت بدون مااحس مگعدت الة الشمس
صارت بوجهي خابرت اوس وطلعنة سوا
گلبنة بغداد گلاب عليهة ومالهة اثر والمصيبة
مااگدر ابلغ شگول اخخخخ حرمتي شردت
والله سالفة تخزي اكبر واحد رجعنة للمركز
سوينة اتصالات واوس گال راح اروح للنوادي
الليلية ادورهة گمت لزمتة من ياختة وضربتة
بوكس بقوة شجاي تگول ياسگط
اوس : شبيك عقيل انتَ ضابط وتعرف الي مثلهم
يخطفون بنات حتى يشغلوهن وياهم اروح
ادورهة بلكت الگيهة ونلحگ عليهة
عقيل : الدنيا افترت بية گعدت انا بلمستشفى
مخليلي مغذي وفاضل يمي اجة سندني گعدت
گبل ملصت الكانيولا وطلعت تلفوني اتصلت
أنت تقرأ
مشاعر مؤقتة (الاصلية )
Romanceهي ارملة عشرينية تدخل في زواج مؤقت بسبب الضروف مع عسكري اربعيني فهل سيقعان في الحب ام تبقى مجرد مشاعر مؤقتة تاريخ بدأ القصة 2 تموز 2022 لااحلل سرقة حرف واحد من القصة بقلمي روان احمد الرواية قيد التعديل
