بسم الله ولا حول ولا قوة الا بالله العلي العظيم
وَلَقَدْ نَعْلَمُ أنّكَ يَضِيقُ صَدْرُكَ بِمَا يَقُولُون فَسَبّحْ بِحَمْدِ رَبِكَ وكُن مِنَ السَاجِدِينْ واِعْبُد رَبُكَ حَتّى يَأْتِيَكَ اليَقِينْ .
البارت الحادي عشر من رواية 🔥 أُسكن أنتَ وزوجُك 🔥
بقلم آية العربي
قراءة ممتعة
لو كانت الاعمار تقاس بلحظات السعادة ف انا الآن طفلٍ حديث الولادة .
&&&&&&&&&
في عيادة الطبيب عمر
دلف مكتبه ومر على السكرتيرة التى تعجبت واردفت _ دكتور عمر ! ... انى كنت لسة هسجل البيانات دى وامشي ... حُصل حاجة !
اردف بترقب _ الانسة اسماء الجابري هتيجي دلوقتى ... ياريت اول ما تيجي تدخليها علطول ... ولو والدتها معاها خليها تنتظر هنا .
اومأت له بينما اتجه لغرفته يجلس فيها ينتظرها .
جاءت هى بعد دقائق بصحبة والدتها التى تساندها وهى تنقاد معها بصمتٍ تام ..
رحبت بهما المساعدة واردفت بهدوء _ اتفضلي يا أنسة اسماء ... دكتور عمر ف انتظارك .
وقفت خيرية تتجه معها ولكن اردفت المساعدة بتروى _ حضرتك مش هينفع تدخلي معاها ... الدكتور عمر طلب الانسة اسماء لوحدها ... بس صدجيني ده علشان مصلحتها ... اغلب الكشوفات معيحبوش يحكوا اللى جواهم جدام حد واصل .
تنهدت خيرية بتفهم ثم نظرت لابنتها التى اومأت لها بطمئنان وتحركت مع المساعدة للداخل .
دلفت تطالعه وتومئ برأسها مرحبة دون نطق حرف بينما اغلقت المساعدة الباب وخرجت .
اردف هو بهدوء _ اتفضلي يا اسماء .
اتجهت تجلس على المقعد المريح وتتنفس بعمق وتغمض عيناها وكأنها تستعد للحديث .
اردف هو باهتمام _ ايه اللى حصل يا اسماء ! ... حد فتح معاكى الموضوع ده تانى !
اومأت تردف وهى تغلق عيناها _ جالتلي ان اخوه اتجوز البنت اللى هو كان عيحبها وكان كاتب كتابه عليها ... جالت انها سحرالهم ... فكرتنى بيه مع انى معنساهوش واصل .
تنهد واردف بهدوء وتمعن _ طب وتفتكرى هي فعلا كانت سحراله !
هزت رأسها تردف بتشتت _ معرفش ... هيفيد بأيه اصلاً ... ما خلاص راح ... بس هو كان عيحبها جوى !! ... ازاي زين يتجوزها اصلا ! ... وازاي هي جبلت بحاجة زي دي !.
اردف بترقب _ يمكن هى مكانش جواها مشاعر حب ليه !
فتحت عيناها ونظرت له تردف بحدة واستنكار _ بعد كل اللى عمله علشانها !!
أنت تقرأ
اسكن انت وزوجك بقلم آية العربي (صعيدي)
Приключенияمرحباً بكِ في عالمى الرمادى ايتها البيضاء ... كنت مثلكِ الى ان استهدفت بقعة سوداء فؤادى ... فحولتنى الى ما انا عليه ... فبات الجميع يلبي بالسمع والطاعة . ومن قال لك اننى كالبقية ! ... انت تتعامل مع مُهرةٍ ابيّة ،،، لن يرودها خيال بل تلين لفارسٍ احت...
