اسكن انت وزوجك بقلم آية العربي (صعيدي)

الجزء الثالث

بسم الله ولا حول ولا قوة الا بالله العلي العظيم

وَلَقَدْ نَعْلَمُ أنّكَ يَضِيقُ صَدْرُكَ بِمَا يَقُولُون فَسَبّحْ بِحَمْدِ رَبِكَ وكُن مِنَ السَاجِدِينْ واِعْبُد رَبُكَ حَتّى يَأْتِيَكَ اليَقِينْ .

البارت الثالث من رواية 🔥 أُسكن أنتَ وزوجُك 🔥

بقلم آية العربي

قراءة ممتعة

وتظن انك اطلعتُ على الاقدار ولكن الله يجريها كيفما يريد .

&&&&&&&&&&

في منزل عزيز الجابرى يجلس مع زوجته يردف بغضب _ رابحة وافجت ع البت اللى رايدها عبد الرحمن ... آخر شئ كنت اتوجعه انها توافج ... كنت مخطط ان عليا واسماء يدخلوا جصر رابحة وهما اللى يحكموه بعدها ... بس هجول ايه !! ... كله من زين هو اللى حطها براسها .

اردفت بترقب وشرود _ خليه ياخدوها يا عزيز ... هو الخسران ... لو لف الدنيا كلياتها مهيجيبش زى بتى واصل ... وبعدين انت خابر زين اننا معينفش نعترض ولا نجول لرابحة لع ... يبجى على الاجل خلينا نفرحوله

نظر لزوجته بترقب ثم اردف متسائلاً _ بتك فين !!

اردفت بحزن وهى تتطلع للاعلى _ فوج ... حابسة حالها ف جوضتها ونازلة نواح  ... هى عتحبه بس هنجول ايه ... هو إكدة ولد رابحة مالوش ف الطيب نصيب .

نزلت اسماء من اعلى الدرج بوجه حزين تنظر لهما ثم نظرت لوالدتها واردفت بثقة وشموخ _ انتوا زعلانين ليه !! ... انى معفرضش نفسى على حد واصل ... هو مرايدنيش ورايد غيري خلاص ... الله يهنيه ... وانى إهنة جاعدة معززة مكرمة لما ربنا يكرمنى باللي يجدرنى ... ولا انتوا رايدين تعملوا معايا زى ما حُصل مع عليا واهى دلوك عتدفع تمن عادات وتجاليد ملهاش اي عوزة ... لا هى ولا جوزها عارفين يعالجوا ما بينهم وكل يوم الفجوة عتكبر ..

اردف عزيز بغضب وحدة _ وهى بتى كان فيها ايه عفش ! ... هما اللى مصانوش الامانة ... وانى ليا حديت تانى مع ولد اخوي .

اردفت اسماء بصدق _ اختى غلطانة يا بوي ... اختى من يوم ما مشت من إهنة وهى كل اللى عتخطتله رضا مرت عمى ... فكرت ان رضاها عيخلى زين يعشجها ... ولا عرفت تنول رضاها ولا عرفت تنول عشج زين .

نظر لها عزيز بترقب وغضب ثم وقف على حاله يردف محذراً _ مرة تانية لو اتحدتى عن اختك أكدة عتشوفي منى وشي معيعجبكيش .

قالها وغادر بينما تنهدت اسماء بحزن فوالدها دائماً يفضل شقيقتها ويعينها عليها حتى ف الخطأ وشردت تفكر في ماهى اتٍ .

&&&&&&&&&&&&

فى القاهرة
فى منزل احمد الجابرى

يجلس هو واولاده وزوجته حول مائدة الطعام .

اردفت ناهد زوجته بترقب _ وانت هتروح يا احمد تحضر المقابلة دى !!