طغيان رجل&انتقام امرأة🥰

الجزء 1

طغيان رجل&انتقام أمرأة💥

بأنامل:ســاريتـا فـرح🌟

الفصل الأول:طغيان رجل

البارت:1

في الحياة كاندوزو من تجارب كثيرة منها الخايبة منها الزوينة من هاد التجارب كانتعلمو وكانحاولو مانعاودوش نوقعو فنفس الأخطاء لي دمراتنا بعض الأحيان كانسمحو فكرامتنا فراسنا على قبل ناس آخرين الحياة عمرها كانت ساهلة ابدا بالعكس كل واحد فينا عايش تجربة خايبة الدنيا ماشي ساهلة ولكن حنا خاصنا نكونو اقوياء ندافعو على حقنا مانستسلموش ماتحدريش راسك ودافعي على حقك حيت نتي قوية.

طغيان رجل&انتقام امرأة

..........فواحد الغرفة كبيرة ذات طابع انثوي بفراشها وديكوراتها ومن الواضح ان صاحبة هاد الغرفة ذات ذوق رفيع تسمع صوت خطوات كاتقرب كانت لبنت ذات جمال هادئ شعر طويل نسبيا وعيون عسلية كبيرة وبشرة بيضاء كانت لابسة بيجامة ددار بلون الأزرق الغامق لي هو لونها المفضل وهادشي واضح من اثاث الغرفة لي بنفس اللون جلسات فوق السرير شوية تحنات تحت سرير وجبدات صندوق خشبي ولكن انيق حلاتو ودخلات يديها كاتقلب تالمسات يديها شي جسم صلب جبداتو كان دفتر جميل وأنيق باللون الأحمر مكتوب عليه "دفتر الذكريات"مجرد ما شافتو شداتها الرعدة يالاه بغات ترجعو للصندوق وهي توقف ونطقات:لاماخصنيش نضعاف هاكا جاالوقت لي نقرى المحتوى ديالو ونعرف الحقيقة
سكتات شوية كاتشوف فيه وهي تقول:انا أصلا عارفة الحقيقة ولكن خاصني نقراه ونعرف كلشي هادي وصيتها
خدات نفس عميق وحلاتو وهي توقع عينيها على أول جملة:الذكريات دائما كاتلاحقنا أطياف الماضي عمرنا نقدرو نتخلصو منهم داكشي علاش كان دفتر الذكريات احسن الحلول
قلبات الصفحة الأخرى وهي تلقى صورة هزاتها كانت للبنت شابة لابسة كسوة طويلة مع حجاب كانت كاتشبه ليها فالملامح مجرد ماشافتها عرفاتها وهي تنطق:ماما
هزات صورة قبلاتها ورجعاتها لبلاصتها قلبات الصفحة وهي تلقى جملة مكتوبة بخط كبير بـدايـة القـصـة:
الشمس شرقات ومدات اشعتها الذهبية باش تختارق غرفة متوسطة الحجم كانت ناعسة فيها بنت تكون ف16من عمرها ملامحها جميلة سمراء البشرة ولكن ماشي سمورية داكنة فتحات عينيها العسلية بشوية تادارت شافت فالساعة وهي تنوض قافزة وقالت:تعطلت اليوم نهار الحنة
مجرد مانطقات هاكاك تسمع صوت دقان فالباب كايليه دخول مرأة ثلاثينية على وجهها ابتسامة هادئة وزوينة مشات عند البنت قبلاتها وقالت:إيلاف صباح الخير
إيلاف:ماما صفية صبح الخير
صفية:نعاسة شتك نعستي ونسيتي الحنة يالاه نوضي يالاه فين نوجدوك يالاه احبيبتي
إيلاف ناضت بحماس:وخا
بعد مدةكانت گالسة فوق برزتها وفيديها ورجليها الحنة والناس تاهوما ضايرين بيها كانت فرحانة لدرجة كبيرة تاسمعات شي صوت حداها ضارت لقات واحد لمرأة خمسينية ذات ملامح زوينة وهادئة وكي كايقولو يمشي الزين ويبقاو حروفو
واخييرا نطقات بصوت حنين زوين كايليق بجمالها لخلاب
....:بنتي نشفات ليك الحنة ولاباقي الى جعتي اجي تاكلي
بتاسمت ايلاف وبلطف وادب بالغ قالت
إيلاف:اه اخالتي بشرى نشفات شكرا مافياش جوع ماشي مشكل حتى نسالو وناكل
بشرى:وخا ابنيتي انا نقول لنقاشة تجي تقشر ليك الحنة اصلا حمارت غاتجيك غزالة يالغزالة ايلاف
حمارو حنيكات ايلاف خجلا
ايلاف:شكراا خالتي يزين يامك
بتاسمت بشرى برضى وكيف لا وهي خدات لولدها بنت زوينة مادبة ضريفة مشات وسعادة ختارقت احشائها واخييراا بعد نهار طوييل جاليل لي جا بحال لجنة لايلاف من كثرة تعبها يالاه غاتنوض من لكرسي بمساعدة صفية وهوما يشوفو اخر شخص كانو يتمناو يشوفوه فبحال هاد نهار إيلاف شداتها الرعدة من صبع رجليها الصغير بينما هو كان داخل وبتخنزيرتو وواحد شوفة تاع يخزيت غير شكلو كايخوف شعرو رمادي لمشعكك حجبانو لمخربقين لي ايضا بعض الشعيرات البيضين المشاغابات ممزوجة بشعيرات الاخرى وموسطاجو لي مغطي جزء من وجهو عاد عينيه لي اذا امعنت النظر فيهوم عامرين بالمكر واخيرا بعد ماجا حدا ايلاف لي ولات غاكاترعد
....:بنتي اجي احبيبتي معايا
بانت صدمة على وجه ايلاف وكذالك صفية ولكن تبعاتو وهي حادرة راسها حتى وصلو قدام واحد لمراة لي غير شافتها ايلاف فرحات كانت بشرى
ايلاف:خالتي بشرى ياك مامحتاجاني فشي حاجة
بشرى:وي ابنتي غدا ان شاء الله غانمشيو نشرو شي حاجة من سوق غانجيو عندك مع العصر يالاه تصبحو على خير..
يالاه بغات تمشي تاحسات بعمها دوا
حسن:بدلي واجي عنذي لصالة دابا
إيلاف بصوت خفيض:وخا
مشات بكرا لبيتها من بعد مابدلات ومسحات ماكياجها سمعات دقان في لباب كايليه دخول صفية مرات عمها
صفية بحنان:إيلاف ساليتي
ايلاف بخوف:عيط علي عمي ماعرفت علاش خفت
صفية:وعلاش تخافي وانا معاك
مشاو بجوج عندو فور ماشافهم حسن بجوج بتاسم بسخرية
دوا بحدة مع إيلاف لي كلسات في السداري المقابل معاه
حسن:سمعي نقوليك ايلا سولةك على صداق نتي ماتقولي والو فهمتي انا لي نحدد وديك عزة نفسك وكرامتك حيت يبغو يشرو ليك دهاز ماديريهاش معايا اصلا ماعندي باش نشري ليك فهمتي
صفية بحدة:منيتك راك نتى عمها نتى المسؤول عليها خاصك تشري دهاز
حسن:ماشي سوقك شتك وليتي تاتزايدي معايا في لهضرة
مازال ماقالت والو ماحسات الا بتصرفيقة لوجههاطـغيان رجـل&انتـقـام ٱمـرأة💥