طغيان رجل&انتقام امرأة🥰

الجزء 9

طغيان رجل&انتقام إمرأة🔥

بقلم✍️:ساريتا فرح/Sarita Farah

الفصل الأول:طغيان رجل

البارت:30

مشات عاوتاني لڤيترينا لي كاينة وسط المرح هزات منها بيتادين عصرات فيه شوية دلحامظ ورجعاتو لبلاصتو سمعات صوت خطوات كاتقتارب لداخل وهي طير للبيت تكات فالناموسية مغطية بحال الا ناعسة والبسمة مرسومة فوق شايفها

اما برة عند حسن وديك لمرأة لي معاه حطو ماكلاتهم بداو وكايتبسمو لبعضياتهم مساكن ماعارفينش اش كايتسناهم دارو دغمة لولة ولاو وجوههم حمرين زادو الثانية هنا ناضو بجوج يتجاراو لثلاجة مالقاو والو حلو روبيني لقاو لما مقطوع ومشكلة هادي بعد مدة بردو ليهوم لساناتهم

وزهر زوين لي عندهم مشاو للحمام يغسلو يديهم ولمشكيل بجوج هز صابونة هو أول دار منها كيف دوزها على يديه تشرشر دم

شافتو هاديك خرجات فيه عينيها وهزات الصابونة لخرى ولي تاهي قاداتها صفية نفس الشيء هاهاديك كانو فيها جوج يعني الضربة عندها تطورات غوتات غوتة وحدة

سمعاتها صفية وبدات كاضحك ياك هوما لي جبدوها ويتحملو وكيف توقعات صفية مشاو ديريكت لبيتادين دوا لحمر لي وجداتو ليهوم صفية كيف كبوه على يديهم غوتو للمرة الثانية وليلة وااعرة هادي تانطقات لمرأة بغوات

لمرأة: اش هاد لعب تاع دراري صغار من ليوم ماتعرفني مانعرفك تفو على گنس

مشات وخلاتو كايحاول يعيط اما هو كيف خرجات من دار مشا للبيت عند صفية حل لباب بجهد ودخل بجهالة تاكاتبان ليها نااعسة وكاتشخر قرب حداها كايحرك فيها والو ماتت وهو عارف نعاسها ثقييل ودايما كاتنعس بكري

زائد كاتخاف منو يعني ماتقدرش دير شي حاجة بحال هاكاك خرج من عندها وضرب بالباب بجهد خارج مخليها كاضحك وتقول ماضحكت نطقات بصوت مستهزئ

صفية:لي دار ذنب يستاهل العقوبة

ورجعات بها ذاكرتها لأسبوع هذا كعادتو كايجيب معاه نفس المرأة تاع ليوم

فلاش باك
كانت صفية كاتصلي فبيتها وكاتسمع لضحكاتهم بجوج ماداتهاش فيهوم تاتحل عليها لباب سحابليها غير حسن تاشافتها بجرئة جات گلسات قدامها دايرة رجل على رجل وكاتشوف فيها باحتقار دوات باستهزاء وتكبر

لمرأة(منى) : بفف حسن صدق عندو ذوق رخيص في النساء حيت ختارك قاليك كاتصلي قاليك مؤمنة حقة

ماجاوباتهاش صفية وماداتهاش فيها وهي تكمل لخرى
منى:مالك شتك ماكاتجاوبيش ماعجباتكش عشرتي سمحيلي احبيبة غاأنا ماعنديش مع لمجاملة وعزيز علي الصراحة بفف والله صدق عند حسن ذوق خايب بزااف

صفية هاهي تبسمات ليها ودوات:ماكذبتيش ذوقو رخييص وبزاف
منى الغباء مسكينة:شتي عندنا نفس الرأي صدق ذوقو رخييص بزاف فيك