طغيان رجل&انتقام امرأة🥰

الغليا٢

ارحمني

الفصل_الثالث ⁦ :⁩ #نبض_القلب

⁦☜ ⁩ ليدي ميرا ⁦♡⁩

الجزء : ▪️ 210 ▪️⁦

مارية.." حكت على شعرها متوترة ونطقت " فالجناح

مع قالت الكلمة عطاها بالظهر وخرج من الباب لي كايدي لجردة تبحعاتو بالخف كاتزرب وصوت طالون عاطي مع كل خطوة حتى قربت وراه "

__ماتقسحش معاه الولد مزال صغ.."

قبل ما تسكت كان فاتها بلا حتى مايخليها تكمل هضرتها ولا يسمع ليها عوجت شفتها التحتية عاضة عليها وتنهدت بضيق باغية تبعو خايفة على ينيس وباه فهاد الحالة وفنفس الوقت خايفة من ردت فعل جلال من ديما ما كايبغي حتى شي حد يدخل فشنو كايدير تأفأفات بقلة حيلة ورجعت لقلب الدار غادية جيهت الدروج ودماغها كايدي ويجيب...عند جلال مع دخل زاد بخطوات موزونة غادي جيهت الدروج قاطب حجبانو حتى وصل لشومبغ ديال ينيس وحل لباب داخل بديك التخنزيرة غير شافتو الخدامة ووقفت منزلة عينيها هي كاتزحزح من بلاصتها باش تخرج وينيس شاد ليها فاليونيفورم ديالها بصبيعاتو باغي يقول ليها بقاي معايا وماقادرش حتى خرجت بهدوء سادة لباب وراها واقف انفاص معاه على بعد خطوات بوقفة تابتة وشوفات صارمة واحد السكون وواحد الرهبة حاس بيها ينيس فهاد اللحظة مايمكنش منزل عويناتو عارف شنو دار ولكن ما عارفش شنو كايتسناه مية ومية سيناريو كايدور ليه فراسو من بين السيناريوهات البزاف لي دازو فراسو انا باباه غايجري عليه..! ولا غاينزلو لاكاف ويسد عليه وسط داك الظلام..! ولا غي.." قبل ماتكمل الفكرة فدماغو حط صبيعااتو على فمو بحال الى كاتم شهقة وزادو تغشاو عينيه بالدموع كل حركة..! حتى كل فكرة..! كادو فراسو الصغيور جلال عارفاه عارف كيفاش كايفكر ولدو وشنو كايدوز فدماغو فهاد اللحظة حافظو مزيان وكتاب مفتوح قدامو حط يدو على لحزام ديالو وزاد عقد حجبانو قبل ما يحل شفاهو ويهضر بصوت غليض وقاسح.."

جلال..هز راسك..

" هز فيه عويناتو مدمعين وشنايفو كايترعدو ما قاردش يهضر ولا يبرر شنو دار رجع نزل عينيه وبدا كايلعب بصباعو متوتر من شوفة جلال ومن ديك النبرة الصارمة .. "

__ شنو كنت قلت ليك همم..! " زاد قرب وتحنا شوية مقابل مع وجهو بلا مايجلس " قلت ليك بلي خوك مسؤوليتك وواجب عليك تحميه وماتأديهش " بصوت نازل ونفس الوقت قاسح " قلتها ولا ما قلتهاش..!

ينيس.." تمتم بصوت مخنوق " ب بابا سمح ليا
جلال.." بنفس النبرة " فعوض ما تكون انت البطل ديالو ولي كاتحميه انت شنو درتي..! " هز حاجب ونزل لاخر " شنو درتي...!

" نزلو دموعو خايف كايترعد حتى تقاد جلال فالوقفة ورجع مكمل هضرتو "

__ ممنوعة عليك Angry Birds لمدة 7 جوغ وممنوع عليك الخروج فهاد الويكاند