طغيان رجل&انتقام امرأة🥰

الجزء 34

طغيان رجل&انتقام إمرأة🔥

بأناملي:ساريتا فرح

الفصل الثالث:العشق مجددًا

البارت:130

جعلو مني شخصا لايثق بأحد شخص مليئ أصبح قلبه مليئ بالخدلان والخوف... 🖤

كانت كاتبكي وكاتغوط بهيستيرية هزات التيلي ويديها عامرين بالدم أول رقم لقاتو رقم داوود دوزات للإتصال
ثواني وجائها الرد

داوود:حياتي لباس

رغد نطقات بصوت مرتجف:قتلتو قتلتو اداوود انا قتاالة قتلتو

داوود ناض من مكانو:شكون لي قتلتي الو الو رغد

رغد هزات يدها قدام عينيها كانت مطلية بالدم:قتلتو اداوود ولكن يستاهل قلت ليه بعد مني مابغاش انا قتلتو انا قتاالة

داوود حس بدنيا كادور بيه مافهم تازفتة في نفس لوقت لي جاه اتصال آخر وفي نفس لوقت لي قطعات عليه رغد
داوود شاف النيميرو تاع الطبيب دارو على وذنيه

الطبيب:الو ميسيو داوود مبروك التحاليل تاع مدام رغد خرجو مبروك حاملة

داوود ماعرف اش غايدير مرتو كاتعيط كاتقول قتلتو والطبيب كايخبرو بحملها حس بدنيا دارت بيه بسرعة قطع وخرج لشركة بعدما حدد موقعها مشا لتم دخل لقا كلشي خرج تعجب طلع للبيرو وياليتو مادخل الدنيا كاملة مطلية بالدم ورغد گالسة في واحد لقنت وحوايجها مطليين بالدم وكاتبكي وباقة كاتردد:قتلتو
داوود حس بدوخة شداتو قرب منها ونطق:رغد رغد اش وقع رغد
رغد شافت فيه ونطقات:هو هو بغا يمسني قالي انا كانعجبو وخا عارف انا مزوجة فاش مابغيتش بغا يشدني بزز ووقتلتو ضربتو انا قتاااالة
داوود صافي مابقاش قاد تلاح على لكرسي لي لقا حداه وكايشوف في جثة معاذ لي ماعرفوش واش ميت ولاحي
فيا ترى اش غايوقع؟
~~~~~~~~~~~~~~~~~~~~~~~~~~~~~~~~~~~
عند إيلاف لي كانت گالسة وقلبها مزير عليها كاتحس بلي شي حاجة واقعة جا حداها علي ونطق:مالك دبا واش غارغد دبا نصونو عليها
علي دوز مالمة لتيليفونها كايعطيه مطفي
ستغرب ودوز لتيليفون المكتب مامن مجيب زاد استغرابو دوز لمكالمة لداوود
شحال من مرة عاد جاوبو
علي:افينكم اصاحبي اش واقع
داوود بصوت متعب:حنا في لكوميسارية
علي هب من مكانو:كيفااش اش كاديرو فيها
داوود:جي جي وتعرف رغد شدوها ضربات واحد واحتمال يكون مات
علي:وخا وخا انا جاي
إيلاف غاشافتو ناضت من مكانها:اش واقع مال رغد مالهوم
علي:قاليا داوود هوما في لكوميسارية رغد ضربات شي حد
إيلاف هزات تجاكيط ديالها ومشات كاتجري تابعة علي ماهي إلا مسافة طريق ووصلو دخلو لقاو داوود كايتسنى تما
إيلاف قربات عندو:مال رغد داوود ماتكذبش عليا مالها
داوود بصوت ضعيف:شي حد حاول يتحرش بيها(كاينطق وهو كارز على يديه) وهي حاولات دافع على راسها ضرباتو بڤاز وتشدات دبا
إيلاف لولا علي لكانت طاحت على طولتها شدات يدها بين رأسها شوية بان ليهوم بوليسي جاي  جيهتهوم نطق
البولبسي:شكون مع رغد العمراني
إيلاف:انا ختها(شارت لداوود) هذا راجلها قول اش واقع
البوليسي:على حسب ماعرفنا ومن كاميرات المراقبة عرفنا بلي السي معاذ حاول يغتاصبها وهي حيت رفضات حاول بزز ضرباتو بڤاز ودبا باقي ماعرفنا واش مات ولاحي
داوود:واش دبا ايلا مات
البوليسي:بطبيعة لحال اتحاكم حيت كاتسمى قتلات وخا دافعات غاعلى رأسها يقدر يكون الحكم مخفف دبا ايلا بغيتو تشوفوها قبل ماتنقل لسجن المحلي
إيلاف دموعها نزلو:نقدر نشوفها
البوليسي:تفضلي معايا
مشات إيلاف وداوود باقي مامثيقش اش سمع كايقول هذا غاكابوس وايفيق منو
أما إيلاف مشات معاه لفين حاطين رغد ومديور ليها لمينوط رغد غاشافتها نطقات:هئ هئ ختي
إيلاف:رغد هئ هئ
قربات منها وضماتها ليها وهي كاتبكي
إيلاف:ايكون كلشي بيخير اتخرجي من هنا ماتخافيش
رغد:انا غير دافعت على راسي والله هئ هئ ماكانش في نيتي نقتلو
إيلاف:صافي صافي ماوقع والو دبا انمشي ولكن دايما حنا معاك ماتخافيش وخا
يتبع... طغيان رجل&انتقام إمرأة🔥