طغيان رجل&انتقام امرأة🥰

الجزء 3

طغيان رجل&انتقام امرأة💥

بأنامل:ساريــــتا فــــرح❄

الفصل الأول:طغيان رجل😈

البارت:8

الامر أشبه بأخرس سقط على جرحه ملح فالتهبت روحه "واشتهى الصراخ ولم يستطيع"

الصدمة فقط احتلت ايلاف وكلام الياس كايتردد فراسها مشات بالزربة للسطح كاتبكي وحابسة صرخاتها وآلامها شافت فلتحت بانت ليها زنقة فجأة قفزات فراسها واحد لفكرة قالت ولحقد تجمع بين عينيها:كانقسم ليك هانخليك تندم مانكونش إيلاف الا ماجا وقت لحساب
كان جا فراسها انها تنتاحر وتهنى ولكن فآخر لحضة تراجعات ولكن واعدات راسها بلي وقت لحساب غايجي آجلا ام عاجلا ولكن هل للقدر رأي اخر

...........نمشيو لبلاصة اخرى ولكن فنفس المدينة ولكن هاد للمرة بعيدا على ايلاف وصفية وبشرى وبعيدا ايضا عن الاحياء الشعبية فبلاصة شبه خالية من البشر كانت واحد لمرأة كبيرة فلعمرة نسبيا ولكن باينة واش كاتمارس رياضة دائما شي لي خلى لي يشوفها مايعطيهاش عمر كبير كانت كاتجري وتقول ماجريتش وكاتلفت وراها واش باقي تابعينها حتى حسات برجليها خواو بيها وعينيها غطاتهم ضباب ماحسات تاكانت طايحة للأرض بعد مدة ماشي طويلة بزااف تسمع صوت شي طونوبيل كاتقرب تاوقفات حدا لمرأة نزل منها راجل كبير حتى هو فلعمر ولكن باقي شاد فراسو غاشافها مشا كايجري عندها
الراجل:ثورية ثورية فيقي عفااك ثورية
بقا كايحاول معاها تفيق ووالو تاعيى وهو يهزها غادي بيها للوطو حطها برفق ومشا ديمارا راجع للدار وصلو أخيرا للدار ولكن كلمة الدار قليلة فحقها حتى ڤيلا قليلة كان قصر كبيير مكون من حديقة كبيرة وثلاثة طبقات كل طبقة تنسيك فلخرى دخلو للداخل تقات ليهوم لخدامة وهو يقول راجل:دبا لقى طبيب حدايا دبا
مشات للخدامة طايرة تعيط للطبيب بين ماهو طلع بيها للفوق وكل درجة كايدير فيها ثلاثة تاوصل للبيت حطها على نموسية وگلس كايتأمل فيها بهدوء وعقلو سارح فماضي بعيد حيت كان كلشي مقاد كانو سعداء مهنيين ولكن ماشي دائما الحياة كاتعطينا داكشي لي بغينا مافاق من سهتو هاعلى طرق فلباب كايليه دخول الطبيب مع لخدامة لقا عليه التحية وداز جيهة لمرأة قاس ليها النبض والضغط... وأخيرا سالا هز راسو ودوا بجدية وقلق:الوضع ديالها كايدهور اميسيو يحيى يعني وضعها ماكايقبلش المزاح عطيتها شي مهدئات وغانكتب ليها شي دوايات ولكن هذا ماكايعنييش ان العملية مابقاتش ضرورية
يحيى:عرفت ولكن هي مابغاتش حاولت معاها بزاف ولكن والو وليوم لي وقع انها خرجات من دار من صبح عيينا مانقلبو عليها تالقيتها سخفانة فزنقة
الطبيب:كيف قلت من قبل هي باقة فصدمة
يحيى:وي عرفت وخا داز على الأمر 30سنة
الطبيب:دخلات فصدمة مايمكنش تخرج منها الا برجوع بنتها
يحيى:كلو بسبابي انا لي حقدت عليها انا لي مارجعتش بنتي ليا
الطبيب:الندم ماكاينفع فوالو لحل لي عندك هو تقلب عليها كيف عرفتي طلب مدام ثرية انها تشوف بنتها عاد دير لعملية
يحيى:عرفت داكشي علاش رجالي فكل لمغرب كايقلبو عليها حتى فخارج لمغرب قلبت ولكن والو بحال الى سرطاتها الأرض
الطبيب:دير أملك فالله وماغايخبكش ولكن حاجة الى لقيتيها ميتة او شي حاجة بحال هاكاك
يحيى بحزن:ديك ساعات عمري غانسامح راسي ابدا وخا انا حاس بلي هي باقي حية
الطبيب:ان شاء الله لمهم دبا نخليك غانمشي عندي مريضة اخرى ماتنساش اش وصيتك عليه
يحيى:وخا مع السلامة
خرج طبيب وبقى يحيى كايفكر فكلام طبيب والى بصح كانت ميتة اش غايدير نفض من راسو ديك لفكرة حيت حس بيها تحركات وبدات كاتمتم بكلمات مافهوماش قرب حداها كثر وسمعها كاتردد كلمة وحدة:صفية صفية بنتي
دموع تجمعو بين عينيه وهو كايتفكر بنتو البكر مدللتو بتاسم بحزن على ذكراها وهو يقول:غانلقاك ابنتي غانلقاك
_____________________________________
نمشيو لبلاصة اخرى عاوتاني ولكن ماشي ببلاصة بعيدة على لقصر فقصر آخر لايقل جمالا على الأول نمشيو ديريكت للاعلى فأحد الغرف تما كان كايتسمع صوت موسيقى مجهدة وبنت كاتشطح تما طالقة شعرها طويل وكاتشطح شي شطيح تشوفو تموت بضحك عليها غمضات عيونها زورق مع الموسيقى وگالسة كاتغني بصوتها داير كي نعجة
لبنت:يالي زعلان مني ومخاصمني ومش عايز ثاني يكلمني وواخد على خاطرك اوي مني دنا اسف ياحبيبي(اغنية اسف ياحبيبي تاع حماقي 😌عزيزة علياههه)
ماحسات غابشي حد غوط ليعا حدا وذنيها تاقفزات مخلوعة يالاه دارت لقاتو داك جحش تاع خوها خنزرات فيه مزيان وهزات سباطها تابعاه وهي تغوط:والله ياداك لحمار جحش ياخانز لبيطان وسباط ياعوج سيفة يالكلب الله ينعلك اجي لهاد جيه
نخليو هاد جوج حماق ونطلعو للغرفة اخرى لفوق من فراشها وترتيبها كايدل على ان صاحبها ذو ذوق رفيع وعزيز عليه النظام ولواضح انو هاد الشخص انثى وصحيح هاهي واقفة قدام المراية كادير اخر لمسات المكياج على وجهها كانت مرأة متوسطة للعمر ومن لواضح هي أم هادوك لهبل خرجات من غرفتها هابطة للأسفل تا كاتسمع صوت للغواط وضحك بقات تابعة صوت تالقات دوك جوج هبل دولادها حمحمات شحال من مرة ولكن والو مانتابهوش ليها عيطات عليهوم والو تاعصبوها وهي تغوط بسمياتهم:رماال ياسر
على اثر صراخها دارو بجوج دقة وحدة رمال وياسر
يتبع.....