طغيان رجل&انتقام امرأة🥰

الجزء 4

طغيان رجل&انتقام امرأة💥

بأنامل:ســاريتـا فرح/SARITA FARAH

الفصل الأول:طغيان رجل.

البارت:11

طلبات من مول تاكسي يوصلها للمحطة دلكيران مسافة طريق ووصلات قطعات لأكادير فين كاينة صفية طلعات لكار شدات بلاصتها وبدات الرحلة طول طريق وهي شاردة كاتفكر فاش غاويقع حطات يديها على مرشها فجأة تفكرات اش دار ليها الياس هبطات دموعها كاتحكي على مدى الالم لي كاتحس بيه دازت ليلة عليها مانعسات ماشافتو شافت شرجم لقات انهم دخلو لاكادير وقربو لمحطة ماهي الا دقائق كانو فالمحطة هبطات من لكار جارة باليزتها شدات طاكسي ملات عليه عنوان دار ولحي وصلات لتم دقات فلباب مامن مجيب عاودات دقات عاد سمعات صوت خطوات كايقتاربو من الباب تاتفتح وبان وجه عمها سلمات عليه ودخلات للداخل كاتقلب على صفية دخلات لبيت نعاس لقاتها ناعسة تمة مشات حيدات سبرديلتها وتكات حداها مخشية فحضنها طالبة الامان اما عند حسن برا كان كايشوف فيها باستغراب وحيرة هز كتافو بعدم مبالاة ومشا خرج

نمشيو لسبيطار عند ثرية وداوود لي منين خرجو يحيى من العملية وداوه للعناية المركزة نضرا لأن حالتو خطرة دازت عليهم يومان وهما مانعسو ماشافوه ثرية ولات حالتها حالة وكذالك حال ابنها تاشوية كايشوفو الاطباء داخلين كايجرو لغرفة يحيى ناضت ثرية قافزة وقالت:_داوود اش واقع
طلو من مورا زاج بانو ليهوم كايديرو ليه الصدمات الكهربائية ومساج القلب داز وقت كان كي لعام على ثرية وولدها تاكايبان ليهم طبيب خارج وموراه لفرمليات حادرين راسهم مشاو كايجرو عندهم سولات ثرية بلهفة:-اش واقع فاق ها قول ليا اش واقع
طبيب هز راسو وقال باسف:مع الاسف المريض دخل فغيبوبة
ثرية غاسمعات لخبار حسات بدوخة كون ماشي داوود لي شدها هاد لمرة هضر داوود:_ووشحال لمدة ديالها
طبيب:ماعرفناش هو دخل فغيبوبة مفتوحة يقدر يبقى شهر اسبوع شهرين سنة 10سنين او الى الابد كاع
ثرية غاسمعات اش قال طاحت على ركابيها ضامة يديها لصدرها وكاتغوط بكلمة وحدة:-يحيىىىىىى يحيىىىى
نوضها عاوتاني داوود جلسها عل اقرب مقعد وبقا هو واقف بدن شعور منو طاحت ليه من عينيه دمعة كايشوف حالة باه كيف دايرة ومو اما عند ثرية تحاملات على راسها وناضت بصعوبة بغات تشوفو وخا غامن مورا زاج شوية كاتحس بدنيا كادور بيها وضبابة على عينيها وطاحت على طولتها داوود دار بزربة حيت سمع شي حاجة طاحت مشا عندها لقاها طايحة تما تفكر بلي يوماين ماشربات دواها وهي مريضة بالقلب عيط بسرعة على طبيب هزوها لغرفة تما وركبو ليها سيروم

فقصر عائلة لمنصوري داخل ياسر لقصر لقاه هادئ كعادتو مشا لبيتو هو لول حط ساكو وبدل حوايجو مشا لبيت دختو دق وحل لباب لقاها حاطة حداها كتوبتها كاتحفظ دارت فراسها بلي رغم كل شيء غاتوصل شاف فيها هاكاك مابغاش يصدعها حط ليها شوكولا لي كل نتار مصدعاه عليعا وخرج مشا لبيتو وتكا على ناموسيتو وغمض عينيه باش ينتاقل لعالم الأحلام🌌
فبيت سلمى سدات لكتاب لي قدامها لبسات بيجامتها دنعاس طفات ضو وتاهي مشات لعالم الأحلام