طغيان رجل&انتقام امرأة🥰

شوق الاحبة

💄شـــــــــــــوق الأحــــــــبّــــة💄
       الفصل الثالت : صـفـحـة جـديـدة <53>
《°♡ مـا الحــب إلا للــحـبـيـب الأول ♡°》
الجزء370

بضع كلمات مشكلة من حروف بسيطة قدرت تشعل نار الغيرة في قلب نسرين ، استرجعت ذكريات زواجهم فالأيام الأولى لهم شحال كان معاها هادئ و بارد واش يمكن لحد لحظة باقة رانيا في بالو !

نسرين : ( لون فوجها تحقن حطت كاس فوق الطبلة بإنفعال ) لا ميمكنش راجلي كيبغيني مكيشوف حتى وحدة من غيري ولو كي تكون !

مديحة : ( كتلوي خصلة شعرها بين اصابعها و نطقت ) سمحي ليا أحبيبة هادشي لي قلتي ليا شدها و تعصب من شوفتها اذن باقي باغيها ، أباش تفهمي لو كان نساها بالله ميتعصب غيدوز فيها ببرود و عاااادي ...

بقات نسرين كتحلل فدماغها و تقارن بين هذا و الأخر ! تفكيرها بين الفينة و اخرى تخربق من مجرد حديث مع مديحة عرفات كيف تلعب بها و هي ساهلة !
مديحة بالمهل كتاكل الحلوى و دوز بأتاي مستمتعة ، تسمع صوت رنات الجرس ناضت وقفت ...

مديحة : حبيبة دوزي كاسك مرحبا متحشميش نشوف شكون و نرجع ...

تمشات على صبيعات رجليها و مـ..ؤخرتها كتلعب وراها ، غير فتحت الباب ظهر أمامها شاب ثلاتيني بشوميز و شورط مصيف مع راسو بملامح صهباء عيونه خصرين و شعره نحاسي لمح مديحة بداك لطاي و الشعر مسبسب صفر و نطق ...

” أووووه شهاااذ الجمال أ قلبييي “

جراته من يدو بالخف تا دخلاتو ل طواليط و دخلت معاه سادة عليهم ...

مديحة : اششش سكت علاش متعيطش تعلمني راك جاااي ؟؟؟

طلع حاجبه فيها متسائل ” موالف نعلمك ؟؟ “

مديحة : علم أ زمر عندي صحبتي مبغيتهاش تشوفك هنا هي عارفاني مطلقة و مقطوعة من شجرة باغي تشوهني ؟؟

ضحك بخفة و جرها عندو شادها من خصرها ملصقها معاه و غطس راسو في عنقها طبعو ب بوساات و مصات متلذذ بها ...

” دردبيييها و اجي عندي لربك راني موحشك مقيم عليييك “

مديحة : ( تسلت من يديه و طبعت بوسة على شفايفو ) أحبي صبر نخرجها وهاني معاك طووول النهار ( غمزاته ) حتى ليل علاش لا !

خرجت من عندو خلاتو واقف كيتسنى صحبتها تخرج على أحر من الجمر ، أما هي دخلت على نسرين لقاتها ساهية تنظر للفراغ جلست جنبها ...

مديحة : احم هاد الجلسة هادي عندك غالطة داب خاصك تكوني حدياه و تقلبي موراه الا يزييغ و يلعب بزنطيطو معاها ...

   نسرين جمعت الوقفة كتهز فصاكها و تالفة ...

مديحة : أحسن ما ديري سيري و شوفي موراه الرجال أحبيبة مفيهمش الثيقة أبدا راجلك ديريه قدامك متخليه وراك ...