طغيان رجل&انتقام إمرأة🔥
بأناملي:ساريتا فرح
الفصل الثالث:العشق مجددًا
البارت:150
~~~~~~~~~~~~~~~عند ياسر والبقية
الهيليكوبتير ورجال الإنقاذ وصلو معاهم الإسعاف ياسر لي هبط معاهم بااهيليكوبتير كايقلبو
تابانت ليهوم هدى مرمية على الأرض وحداها واحد نهر
كملو تقلابهم وهديل وسلمى قول الأرض تشقات وبلعاتهم
ياسر بدأ اليأس كايكذب في قلبو تاسمع صوت آنات خفيفة
هبط من الهليكوبتر وباقي متبع الصوت تالقى جثة هديل هبط بسرعة كايقيص نبضها لقاه كاين مي قليل
شاف في سنسلة مليوحة تم على الفور عرفها سلسلة سلمى هزها وبدا الأمل كايدب في قلبو من جديد كمل تقلابو تابدا كايسمع صوت الأنين قريب بزاف
بسرعة مشا لتم فين لقا سلمى متكية على ضهرها ومن الواضح انها ماكاتقدرش تحرك اي من أطرافها وسروالها مطبع بالدم اناتها كانت قليلة
ياسر تحنا عندها:سلمى سلمى نتي بيخير ياك كاتقدري تحركي يدك حركيها شدي في يدي
سلمى بصوت هامس:ماكانقدرش ولدي اياسر كرشي كاتقطع
ياسر عقد حواجبو:شكون ولدك مال كرشك
سلمى خدات نفس وكملات وصوتها أشبه بالهمس:انا حاملة اياسر ولدي كرشي كاتقطعع كرشيي
ياسر بقا كايشوف فيها بصدمة بسرعة هزها ومحاول على عنقها واطرافها الخرين لي ماكانتش كاتقد تحركهم لقاهم طلعو هديل وهدى شاف في هدى بحقد طلعو للفوق
وسلمى دايرين ليها قناع تاع التنفس يساعدها وعنقها مديور ليه حامل بحال الضمادة
أما هديل لي كانت غايبة عن الوعي دقو ليها إبرة تعاونها وجهاز تنفس ركبوه ليها وعلى حسب ماشافو عندها كسور كثر من سلمى
والأخيرة هدى لي تقريبا كاتلفض أنفاسها الأخيرة ولي كان عندها كسر في ضهرها والجمجمة
وصلو لفين كاينة الإسعاف طلعو هديل هي اللولة والإسعاف الثانية طلعات فيها سلمى
والأخيرة لهدى لي فور ماشافها نسيم كون مابعدوه عليها كون عاود لاحها من داك جبل
مسافة طريق ووصلو الإسعاف مع هبطو مع لقاو الدنيا مرونة آثار الدم كاينة على الأرض ياسر قلبو علمو بلي شي حاجة واقعة لداخل
مع دخل مع لقى رمال گالسة في الأرض وصوت غواطها واصل لفين لفين كاتمس في الأرض وكاتغوط بماما
دور راسو لجيهة لخرى بان ليه يوسف طالع فوق شي حد كايدير ليه مساج القلب وحداه صفية
دور راسو ثاني بانو ليه غاديين بشي حد لغرفة العمليات وراه نقالة أخرى شاف في داوود لي گالس على الأرضية وسكاتو ماكايدلش على الخير بحال ايلا داخل في صدمة
عاود دور عينيه على جوج جثث نطق واحد من الممرضين مخاطب وليد
أنت تقرأ
طغيان رجل&انتقام امرأة🥰
Misterio / Suspensoطغيان رجل&انتقام امرأة🔥 ان كان العنف ضد النساء رجولة فنحن لسنا رجالا ✨حصريااا على ماضي الشهيرات✨ 🌻 طغيان رجل & إنتقام إمرأة 🌻 الرجل .. الجبار... الطاغي ..القوي المرأة ... الرقيقة.....الذكية ... المنتقمة اذا اجتمعااا...
