طغيان رجل&انتقام امرأة🥰

غفران

[٤/‏٩ ٢٣:٥٧] ‏‪+212 694-478295‬‏: _سهم الغرام_♟️🫀

_ك_: _فاطمة الزهراء bsl_🧊🥂

_ب_: 1

_درب دروب فيه تايهين وسط لهموم ولكذوب_

دايرين جماعة جالسين وصوت ضحكاتهم عاطية من وسط لخيمة ريحة سوق عاطية شي غادي شي جاي كلها فاش يخمم ، شي شاري دجاج شي لخرفان شي لخضاري شي غير عاطيها لهضاري كيف رباعتنا ، كيسانهم ديال اتاي  علاين تكمل ، كبرو فسن ولكن عشرتهم باقية مجموعة تاناض لحاج ميلود بجلابتو لي متخطا كسدتو وقفتو لعامرة بخضرتو تبسم ليهم .

لحاج ميلود: سيادنا نخليكم على خير تانتلاقاو سوق جاي لكتب الله وطول فلعمر .

لحاج محمد [لجزار]: سي ميلود متنساشاي كلامي ليك ونبغي لجواب فاقرب وقت يوصلني .

لحاج ميلود: الا كتب الله الحاج ندوز عندك غذا ونعلمك بلي كان.

لحاج محمد: الله يكتب لي فيها خير اسيدي.

لحاج ميلود: هذا مكان .

مشا لحاج ميلود وقفتو فيدو شد طاكسي موقف تالوسط درب شعبي ، دارو لي بحال رياض كبيرة وواسعة بابها لمحلول فيها شلا ولاد وبنات صغار كيلعبو تبسم وطبطب ليهم على شعرهم ودخل لدار لقا وسط دار لي مفرش بسدادر عامر فيه حفيدتو لي مزوجة جات ومعاها وليداتها وحفيدو لي مزوج جا ومعاه ولادو ومرتو وزوجة ولدو ومراتو ومرات ولدو مجموعين على اتاي ودوازو لقا سلام عليهم ناضو حفادو باسو يديه وتبسمو ليه ودارو ليه بلاصة بيناتهم ناضت مرأة ولدو دات لقفة للكوزينة ورجعات جلسات .

تاتمات داخلة شابة شعرها لاشقر ، لي واصل لخصرها وكسوتها طويلة لغوز لي واسعة على طايتها لي غليضة وعامرة تمشي ليها لعين هازة بنت صغيرة فيدها وكتبوس فيها ، ومشات سلمات عليهم واحد بواحد وهي ضاحكة فرحانة بخوتها لي زاروها جلسات وتبسمات هي شابة صغيرة فلعائلة عندها 21 سنة يالله لعام 2 فلجامعة .

غفران: ايوا اختي اش تم شتكم ليوم عاد تفكرتونا غوايب ليكم.

كوثر: كانو عندي ضياف اختي وحق الله مكملت يالله مشاو وانا نجي .

غفران: امم مزيان الالة ههه.

يتبع...
[٤/‏٩ ٢٣:٥٧] ‏‪+212 694-478295‬‏: _سهم الغرام_♟️🫀

_ك_: _فاطمة الزهراء bsl_🧊🥂

_ب_: 2

_بدء العد في البدء وانا لست على استعداد_

محسن[كيضحك مع جدو]: ايواا اباجدي شتك تقضيتي ليوم هي شي جليسة مع صحبة لقديمة.

لحاج ميلود: ايوا ضاروري منها هه مادمنا بلحياة منفرطوش فيها.

محسن: اييه اجدي باقي عاقل يامات كنتي تديني معاك وانا صغير هه.

لحاج ميلود: اييه اولدي يامات لعز هادوك هه.