طغيان رجل&انتقام امرأة🥰

الجزء ٤

لعنة عاشق
             🔥lover's curse🔥
بقلم: jihane/رقية عبير / يسرى ال

بارت:110

فؤاد وفدوى للي كانو كالسين في صالون غير سمعو صوت سيارة عرفوه غادي يكون غير هو ونطق فؤاد ....

فؤاد : هاهو جاء بعجاجتو هههه 

فدوى : ههههه واخير وصل  ....

وناضت كاتجري يالله دارت خطوة حتى كايبان ليها ولدها داخل كايتمختر في مشيتو دوك لكثاف لعراض عندو كايتهزو ويتحطو بكل هيبة ورجولة دوز صبعو على فمو ودار إبتسامة وهو كايشوف في الأم ديالو كاتجري جيهتو حتى تلاحت بين أحضانو ودموعها دايزين من عينها بقات معنقاه ثواني عاد بعدات  .....

فدوى : هئ هئ توحشتك اولدي توحشتكم بزاااف (وضورات عينها ) فاين خوك ويازيد...

هارون نطق ببحة رجولية : هاهما دابا يجيو..

فؤاد : فدوى بعدي خليني نشوف ولدي راني توحشتو...

فدوى دارت خطوة بعدات على هارون وكاتشوف فيه بكل حب

فؤاد : على سلامتك اسبع ديالي( ومد يديه فاتحها هارون طول فيه شوفة وقرب خطوة من الأب ديالو وتعانقو عناق رجولي وبعد خطوتين للوراء) .....

هارون : الله يسلمك الواليد

فدوى : أجي أولدي دخل غادي تكون عييتي بزاااف دار نورات ..

هارون : منبعد الواليدة أنطلع ندوش دابا ....

تخطاهم وتم طالع تاجه لدرج يالله دار خطوة ورجع نظراتو جيهتهم طول فيهم شوفة وصغر عينو بقا مدة عاد تم طالع وتاجه لغرفتو للي غير فتحها ضور عينو عليها باغي يستنشق عبيرها مي رائحة ديالها مابقاتش في الغرفة غمض عينو ورجع فتحم  وهبط نظراتو لجيهت الخاتم للي باقي في يدو وبقا كايدوز عليه بإيديه ودار خطوة حتى وصل لواحد المكتب في جنب سرير برك فوق الكرسي وخشا يديه تحت منو جبد واحد المفتاح وفتح واحد المجر وبانت ليه صورة عبير هزها بين إيديه وطول فيها شوفة حس بنبضات قلبو تسارعو كاتبان بحال شي ملاك وهيا واقفة بفستان أبيض ملبوس على جسمها المثير وحاطة إيديها على خصرها ناض من داك الكرسي وتاجه لسرير ديالو وعينو باقين على طوف وتلاح فوق سرير وإيديه كايتلمسو داك طوف ماقدرش يرمش كايتمعن فيها بأدق تفاصيلها شعرها شفايفها عينها جسمها تنهد ونطق بصوت مختالف كليا...

هارون : أنا رجعت أعبييييير وقريب رجعك ليا  (ورجع داك طوف لمكانو وتاجه لدوش وتفكيرو كامل عند عبير )

في الغرفة للي جنب غرفة هارون باركة نسرين للي باقا مقلقة وفاتن جنبها

نسرين : توما مشيتو تفوجو وأناااا مخليني بين أربعة ديال لحيوط حشومة عليك اخالتو ...

فاتن : ونسرين واش حنا كنا كانلعبو راه كانت عندنا خدمة..

نسرين  : أممممم إيه خدمة تيقتكم أنا ماشي باقا صغيرة أخالتو